叁嘗 (Closed)

朋友話想試下呢間café，最初用叁嘗呢個名點搵都搵唔到，原來門面係用英文名Sheep and pig，我地係門口經過幾次都唔知。都幾多人排隊，因為舖頭唔算大，都等左半個鐘左右。睇住午餐Menu，朋友就叫左明太子蟹肉忌廉意粉（$110），我就叫左低溫慢煮原隻雞胸沙律配蜜糖芥末籽汁（$58）。一黎就係野飲先，我地都叫左自家製檸檬薏米水（$8），唔太甜，感覺非常健康。慢煮雞胸沙律比想像中豐盛好多，本來以為雞胸可以多多少少會柴，點知都幾柔軟Juicy，之後先知原來雞胸肉以攝氏62度低溫慢煮35分鐘。沙律配蜜糖芥末醬甜甜酸酸好開胃。朋友嘅蟹肉意粉聽講都幾好食，意外有驚喜。