源祖之味古早蛋糕店 (Closed)

去朋友屋企，梗要帶d手信嘅，上網睇到佢樓下有個商場勁多舖頭，去到慢慢睇。源祖之味有勁多fusion味嘅古早蛋糕揀，好似好正咁，又健康無防腐劑，要新鮮食，啱晒！見menu有勁邪惡嘅咸蛋黃味，但今日無呢隻，哭咗！揀咗肉鬆芝士同焦糖咖啡各一件~平時好少買呢d,，呢間都好似幾大件，一盒都幾重！偷食總司令！肉鬆淨係最上面嗰層有，中間有芝士。食咗啖，唔會太油同咸，少少邪惡咁啦，可以嘅，不錯！芝士唔係太咸，翻熱返應該勁香！即買即食夠新鮮，但係太搶手啦，成班人每人兩件勁快無晒，想留返少少都無！食完唔會有負擔，唔會好油，微濕潤。下次自己買返去，烘下先食！咖啡味唔係太濃，少少味，表面嘅焦糖都唔係好甜，微微少少甜同香咁。蛋糕好實淨，唔會勁空氣嗰種