Explorer Fusion Restaurant (Closed)

是日去石門探朋友，朋友帶我來呢間Fusion，話有日式有西式咩都有得食。餐廳喺地鐵站旁邊的商場一樓，不難搵。門面裝修似bar，入黎都幾relax，座位不多但坐得夠舒服。侍應態度幾好，主動幫我得安放行李。檯面擺放整齊，環境唔錯。【小食拼盤】有吉列蠔，又脆又爆汁，味道唔錯。炸雞亦配秋葵都幾特別。沙律菜也不要浪費，葷素搭配。【南瓜湯】很令人驚喜。南瓜很濃稠，真係南瓜味，新鮮自然熬煮，唔係落忌廉汁果啲，滿意！【特色漢堡】侍應介紹要用麵包擠壓太陽蛋，令蛋液流出包裹整塊牛扒。一口咬落去，有埋蛋汁芝士同肉汁豐富的牛扒，真係好滿足【黑毛豬扒】口味清淡，啱我。豬扒肉質清香，只是火候稍過了小小。份量十足，配菜也夠心思兩人食份量完全足夠，女仔細食嘅話叫一個主菜就得。勝在口味清淡，配菜豐富又新鮮。