Teru Teru Bōzu (Closed)

依加越黎越多依種fusion嘅日本居酒屋，可惜唔係間都做得好，有時會覺得專注做好一樣就夠。不過依間無論日式定西式都做得唔錯。價錢喺銅鑼灣黎講都叫合理，服務都幾好，座位唔多，建議最好打去book枱先。吞拿魚生春卷 $98薄薄嘅春卷皮帶煙韌口感，包住碎吞拿魚同紫蘇葉，配上千島醬汁，清新開胃。甲羅燒 $108蟹蓋釀滿蟹肉同蟹膏，味道香濃甘甜，不過我就麻麻地面頭嘅芝士。網燒黑毛和牛 $288店員推薦五成熟，雖然我平時喜歡再生啲，不過食落都覺得好軟嫩，滿口油香。份量較細，而且有一兩件帶筋。配菜有一粒梅同兩片甜薯，中和油膩。海膽忌廉意粉 $188之前食過其他餐廳嘅海膽意粉係就咁白汁意粉上面加一片海膽。而依間確實不錯，醬汁有濃濃嘅海膽鮮甜，意粉口感再煙韌會更好。松葉蟹肉蒸籠飯 $148蒸籠飯係餐廳賣點之一，飯吸收晒蟹肉精華，食落鮮甜，喜歡味道清淡嘅我唔另外加醬汁已經覺得好夠味。