Video
Read full review
2019-05-24
200 views
唔知由幾時開始流行食沾麵🍲，最近都開多咗好多間食沾麵嘅舖頭，尖沙咀厚福街前排又開咗一間，仲推出咗最新口味嘅極上Raclette芝士龍蝦沾麵🧀🦂，為食嘅我又點可以唔去試下呢......😁😁😁諗住早少少去無咁多人，但點知未到夜晚6點鐘都全店爆滿，認真架勢。😎嚟到呢度當然要必點最新菜式，極上Raclette芝士龍蝦沾麵：上檯時已經夠晒吸睛，大大隻波士頓龍蝦🦂，食落啖啖肉，龍蝦肉爽口又彈牙，上面鋪上傳統瑞士Raclette cheese🧀🧀，又香又濃，「芝」味十足。而配料仲有半熟蛋、紫菜同竹筍，賣相已經夠晒睇頭。沾麵故名思義係將麵同湯分開上，龍蝦湯用石鍋上碟，上檯時熱辣辣，好似溫泉咁，啲湯不斷湧上嚟嘅感覺，望到都流晒口水。湯底除咗有龍蝦之外，仲有腩肉，聽店員講個湯煲咗成4-5個鐘，湯底有超濃嘅龍蝦味，腩肉又完全吸收晒龍蝦湯嘅精華，好入味又稔滑。西式芝士龍蝦配日式沾麵，非常特別。食沾麵其實有多種食法，首先，將青檸汁或七味粉加入沾麵，將一小撮麵放入湯中浸一浸，如果啲湯變凍，可要求店員換一個熱石碗，最後請店員加入木魚湯喺湯，一啖飲晒去，正呀！另外仲叫咗個石燒芝士飯，同樣用石鍋上，飯上面鋪咗燒到微微金
唔知由幾時開始流行食沾麵🍲，最近都開多咗好多間食沾麵嘅舖頭，尖沙咀厚福街前排又開咗一間，仲推出咗最新口味嘅極上Raclette芝士龍蝦沾麵🧀🦂，為食嘅我又點可以唔去試下呢......😁😁😁
諗住早少少去無咁多人，但點知未到夜晚6點鐘都全店爆滿，認真架勢。😎
極上Raclette芝士龍蝦沾麵
$168
18 views
0 likes
0 comments
嚟到呢度當然要必點最新菜式，極上Raclette芝士龍蝦沾麵：上檯時已經夠晒吸睛，大大隻波士頓龍蝦🦂，食落啖啖肉，龍蝦肉爽口又彈牙，上面鋪上傳統瑞士Raclette cheese🧀🧀，又香又濃，「芝」味十足。而配料仲有半熟蛋、紫菜同竹筍，賣相已經夠晒睇頭。
沾麵故名思義係將麵同湯分開上，龍蝦湯用石鍋上碟，上檯時熱辣辣，好似溫泉咁，啲湯不斷湧上嚟嘅感覺，望到都流晒口水。湯底除咗有龍蝦之外，仲有腩肉，聽店員講個湯煲咗成4-5個鐘，湯底有超濃嘅龍蝦味，腩肉又完全吸收晒龍蝦湯嘅精華，好入味又稔滑。西式芝士龍蝦配日式沾麵，非常特別。
食沾麵其實有多種食法，首先，將青檸汁或七味粉加入沾麵，將一小撮麵放入湯中浸一浸，如果啲湯變凍，可要求店員換一個熱石碗，最後請店員加入木魚湯喺湯，一啖飲晒去，正呀！
石燒芝士飯
$29
6 views
0 likes
0 comments
另外仲叫咗個石燒芝士飯，同樣用石鍋上，飯上面鋪咗燒到微微金黃嘅芝士，一口芝士一口飯，食到底仲有啲飯焦香，仲可以將飯加入埋個湯度，變做湯飯，咁又多一個新食法。
未試過沾麵嘅你，真係不容錯失！
Post
