Video
Read full review
2017-01-29
370 views
行開旺中買嘢，就順便搵嘢食! 行到1樓嘅角落有幾間鋪頭，間間都幾多人買，咁我比較鍾意食burger又見到佢用饅頭做包幾特別同吸引，所以決定買嚟試下， 我買左個牛葉芝士漢堡(唔知點解叫牛葉呢)，仲加左$13叫左杯青瓜青檸梳打。好快就有杯野飲啦，杯梳打賣相幾靚，絕對啱哂用嚟影相呃like，飲落去都幾清新，有啲荷葉香香地，仲有切碎左既青瓜咬下，都幾特別。揸住杯野飲等個包既時候，門口有部電視睇鋪頭開張花絮，先發現原來係陳柏宇開既哈哈。等多一陣就有包食啦，個包熱辣辣，包面印左鋪面名幾特別，咬落去牛肉有啲筋但有肉汁，由於個包係用饅頭，啲肉汁滲左落包度，同埋口感好煙un，的確比一般漢堡包食落口感唔同。整體係幾好食，不過有少少細個，食哂個感覺都唔會話好飽。另外員工好有禮貌，佢會主動邀請你入鋪頭食嘢，即使我朋友拎住其他鋪頭既食物，真係值得一讚!
好快就有杯野飲啦，杯梳打賣相幾靚，絕對啱哂用嚟影相呃like，飲落去都幾清新，有啲荷葉香香地，仲有切碎左既青瓜咬下，都幾特別。
揸住杯野飲等個包既時候，門口有部電視睇鋪頭開張花絮，先發現原來係陳柏宇開既哈哈。
等多一陣就有包食啦，個包熱辣辣，包面印左鋪面名幾特別，咬落去牛肉有啲筋但有肉汁，由於個包係用饅頭，啲肉汁滲左落包度，同埋口感好煙un，的確比一般漢堡包食落口感唔同。整體係幾好食，不過有少少細個，食哂個感覺都唔會話好飽。
另外員工好有禮貌，佢會主動邀請你入鋪頭食嘢，即使我朋友拎住其他鋪頭既食物，真係值得一讚!
牛葉芝士漢堡
$48
22 views
1 likes
0 comments
18 views
0 likes
0 comments
Post
