Video
Read full review
2021-07-05
501 views
是日Monday Blue，不過唔一定要Happy Friday先可以食好野。今日午餐約左同行友人黎呢間位於銅鑼灣登龍街嘅日法fusion扒房。餐廳裝修以黑色爲主，感覺摩登。午市套餐有主菜七選一，分別有意粉，意大利飯，魚柳，豬扒，牛扒等，價錢由$138至$398不等，另收加一。價錢包是日精選沙律，是日餐湯，或牛油果野菌忌廉酥皮盒。另外包咖啡或茶。可加錢要前菜或甜品。精選甜品 +$68。今次第一次黎，我同同行友人決定揀唔同既菜式試試。餐包配忌廉芝士先黎餐包配忌廉芝士。餐包有泡芙形原味小麵包同每人半件迷你牛角包，都係暖暖哋，牛角包非常酥脆，食得出係有好多層，算係幾出色！特別在於佢哋配圓圓一點既忌廉芝士，好滑溜。煙三文魚凱撒沙律（跟餐）是日精選沙律係煙三文魚凱撒沙律。有新鮮爽脆羅馬菜，撈左足夠沙律醬，撒上芝士粉同香脆麵包粒，上面配有幾塊仔煙三文魚，唔錯。我哋早黎有煙三文魚，之後我哋聽到其他食客變咗煙鴨胸。牛油果野菌忌廉酥皮盒（跟餐）酥皮盒頗硬身，配有牛油果同野菌粒。忌廉汁超濃，所以有點膩。適合較喜歡重口味既人士。跟餐加錢試左兩款前菜。香煎法國鵝肝 跟餐+$75 另加一香煎法國鵝肝擺盤精美。鵝
午市套餐有主菜七選一，分別有意粉，意大利飯，魚柳，豬扒，牛扒等，價錢由$138至$398不等，另收加一。價錢包是日精選沙律，是日餐湯，或牛油果野菌忌廉酥皮盒。另外包咖啡或茶。可加錢要前菜或甜品。精選甜品 +$68。
今次第一次黎，我同同行友人決定揀唔同既菜式試試。
餐包配忌廉芝士
19 views
0 likes
0 comments
餐包配忌廉芝士
先黎餐包配忌廉芝士。餐包有泡芙形原味小麵包同每人半件迷你牛角包，都係暖暖哋，牛角包非常酥脆，食得出係有好多層，算係幾出色！特別在於佢哋配圓圓一點既忌廉芝士，好滑溜。
煙三文魚凱撒沙律
15 views
0 likes
0 comments
煙三文魚凱撒沙律（跟餐）
煙三文魚凱撒沙律
14 views
0 likes
0 comments
是日精選沙律係煙三文魚凱撒沙律。有新鮮爽脆羅馬菜，撈左足夠沙律醬，撒上芝士粉同香脆麵包粒，上面配有幾塊仔煙三文魚，唔錯。我哋早黎有煙三文魚，之後我哋聽到其他食客變咗煙鴨胸。
牛油果野菌忌廉酥皮盒（跟餐）
酥皮盒頗硬身，配有牛油果同野菌粒。忌廉汁超濃，所以有點膩。適合較喜歡重口味既人士。
跟餐加錢試左兩款前菜。
香煎法國鵝肝
$75
11 views
0 likes
0 comments
香煎法國鵝肝 跟餐+$75 另加一
香煎法國鵝肝
$75
13 views
0 likes
0 comments
香煎法國鵝肝擺盤精美。鵝肝煎得好好，外皮微脆而入面係好滑溜，下底仲有一塊脆吐司加添口感。配有陳醋同果蓉俾你減低油膩感，另外仲有一小件煮啤梨。呢個價錢如果鍾意食鵝肝應該必試！
和牛他他 跟餐+$68 另加一
和牛他他擺盤特別，用左支牛骨放咗唔少和牛他他喺上面。他他有好多番茄粒，和牛味道似乎被辣汁掩蓋左，食落都辣辣哋。伴碟有五塊薄脆多士，同埋白色芝士粉。
美國頂級封門柳 $268 另加一
既然呢度係扒房，主菜當然揀牛同豬。美國頂級封門柳餐牌寫明6安士，服務員推介四成熟，我哋當然照跟。果然係外熟內生，可能因為熟度嘅關係，需要咬下嘅，不過肉汁仍然充足，點埋伴碟嘅黑松露燒汁食仲正，有微微嘅黑松露香。另外擺盤仲配有鹽花，不過我唔需要，已經夠味道。封門柳係有烤印既，厨師已經幫你切開左五件，自己唔洗動手切哈哈！
鹿兒島白豚豬扒 $188 另加一
鹿兒島白豚豬扒
$188
2 views
0 likes
0 comments
個人其實更鍾意呢道主菜。鹿兒島白豚豬扒又係有漂亮既烤印，一切開左五大件，外面兩件連脂肪，食落啖啖爽脆，豬味濃！中間三塊都唔鞋口。好食！
鹿兒島白豚豬扒
$188
7 views
0 likes
0 comments
兩份扒都有同樣既伴碟。伴碟有三樣嘢，左起萵苣片，芝士焗薯，同紫心蘿蔔片。喺西餐黎講真係好特別，居然有萵苣片，萵苣片加左少少麻油，爽口清新。芝士焗薯既面頭焗得有少少脆皮，芝士味香濃，焗薯好似切左片咁，食落啖啖澱粉，大滿足！紫心蘿蔔片，醃得酸酸味味，中和返肉類既油膩。
萵苣片，芝士焗薯，同紫心蘿蔔片
1 views
0 likes
0 comments
凍朱古力（跟餐）
凍朱古力
4 views
0 likes
0 comments
餐飲居然包凍朱古力而唔洗加錢。我鍾意呢杯凍朱古力既甜度，少少甜而完全唔會過火，為呢餐劃上完美既句號。
明顯餐廳想行高檔路綫，座位傍邊有衣物籃比你放袋，每道菜都係兩位食客一齊上免等，服務員基本上每道菜式都會介紹下，如果語速可以慢d就更好。食物方面都唔錯，價錢都算合理，個人特別鍾意鹿兒島白豚豬扒同香煎法國鵝肝。期待下次黎試晚餐。
Post
