三哥餃子店 (Closed)

星期六瞓到晏一晏，瞓醒就落咗樓食呢間小店經營嘅餃子店。元氣湯雖然個湯味道比較淡，但勝在真材實料，不加味精。如果你覺得未談的話，可以加小小鹽調一調味。西洋菜豬肉餃（湯餃，八隻）呢個西洋菜豬肉餃每次我都係必食嘅。西洋菜非常鮮甜味道好出，豬肉份量啱啱好。粟米豬肉餃x大白菜豬肉餃（煎餃，八隻）由於店內人數太多嘅關係，呢份煎餃足足等左20分鐘。我個人認為湯餃比煎餃好食。感覺上煎餃入面嘅豬肉份量係比湯餃更豐富，食1分八隻已經非常之飽啦。