三哥餃子店 (Closed)

煎餃湯餃都好食🥰🥰 🥰 價錢都合理 前日想食 諗住試下牛肉餃同西洋菜餃沙田揸車入去 納眼搵唔到間鋪 點知擺低車 去望清楚 原來已經拆曬野 執咗啦😭😭😭😭 惟有食第啲啦 ,

星期六瞓到晏一晏，瞓醒就落咗樓食呢間小店經營嘅餃子店。元氣湯雖然個湯味道比較淡，但勝在真材實料，不加味精。如果你覺得未談的話，可以加小小鹽調一調味。西洋菜豬肉餃（湯餃，八隻）呢個西洋菜豬肉餃每次我都係必食嘅。西洋菜非常鮮甜味道好出，豬肉份量啱啱好。粟米豬肉餃x大白菜豬肉餃（煎餃，八隻）由於店內人數太多嘅關係，呢份煎餃足足等左20分鐘。我個人認為湯餃比煎餃好食。感覺上煎餃入面嘅豬肉份量係比湯餃更豐富，食1分八隻已經非常之飽啦。

今日嚟到大埔附近上堂，於是行去大埔中心搵嘢食，一向喜歡食餃子嘅我搵到呢一間竟然有超多唔同口味嘅餃子選擇店鋪，於是入去一試！要咗個松露腐皮卷作為餐前小食，幾個人分， $30一碟，竟然真係好多好多嘅松露菇在入面，果皮有煎得啱啱好，有少許油膩，但係好香脆！值得一試！只要叫普通嘅餃子，就會附上湯，湯就比較淡，雖然有提示話可以加鹽，但係我覺得個湯本身嘅鮮味一啲都唔夠，還有好大嘅進步空間！至於水餃方面，味道尚可，有我女兒最喜愛吃的粟米餃子，另外，更特別嘅係有芫荽餃子，味道好濃郁，我覺得好好味，可以推介俾大家試下👍價錢都算實惠， $43有10隻，價錢同質量成正比！

午飯時間，偶然經過，吸引了我進去。.店內只有一位正在忙碌的店員。 我叫了 八隻杞子餃子 和 上海湯麵。 先上了一大碗熱騰騰的 四寶元氣湯，看來不錯，但味道極度 淡。 再來一碗又熱騰騰的 上海湯麵 和 杞子餃子。 上海麵 的口感很好，但味道都是十分淡的。 杞子餃子就好入味的，覺得肉味濃厚，偏鹹一些。 我喜歡他們送上熱的食物。.店內坐位舒適，店員友善。 午飯時間不需要等位，都可以一試。 我都會有興趣再去試試其他味道的餃子，如西洋菜餃，豆苗餃等等。

今日好晏先食午餐呀😅😅😅去到大埔中心...記得之前食過呢間三哥餃子都幾好味所以今次又走左入去食一個人的午餐🥣今次叫左個季節限定嘅波菜餃子🥟俾個真係好味架！配上佢地私伙嘅辣椒油（記得要問佢地攞先有架），平時只有豆瓣醬😌！仲有+$10就有上海麵啦，價錢都算底食！

三哥米線就成日食, 三哥餃子就真係第一次食！一睇menu, 真係有好多款餃子有其中八款餃子係分湯餃或煎餃, 我咁鐘意香口野, 梗係揀煎餃子啦🤪鮮牛肉餃子 $49 （10隻)由於係即叫即煎, 等左大約10分鐘! 好足料, 除左有牛肉, 仲有芫荽, 佢煎到個底好脆之餘, 又吾會太多油!菜心豬肉餃 $49 （10隻)由於太肚餓關係, 所以咬開左之後忘記影相, 所以望落張相同牛肉餃一樣, 哈哈~豬肉餃一様好味, 餡多肉汁多~~松茸腐皮卷 $28呢個有d油, 但好香菇味, 味道亦不錯

那日ot後已經又夜又劫，唔想食太飽驚訓唔到，食餃子係一個好選擇大埔專食餃子的地方唔多，不過呢間個地方係大埔廣場，都叫方便。價錢還可以松茸腐皮卷，煎得有d油，不過d料都足，味道還可以湯和煎的大白菜豬肉餃，韮菜豬肉餃，元茜豬肉餃全部熱騰騰，餃子唔熱唔好食嘛，所以等耐少少都ok一個人係食唔晒的，不過因為貪心想食多款，同埋本身中午帶飯有自備食物盒，食剩囉返屋企做早餐店舖地方唔大，食得走得開隻，都係快速之算

係大埔既呢一日,晚上又到我地搵食既時間,今日小胖女突然好想食中式餃子,明明lunch先食完生煎包,我地好快咁搵到呢間三哥餃子店,擺明係食餃子架啦,我地當然會係咁叫餃子食啦,基本上隻隻款既餃子都叫齊哂,湯餃煎餃都有叫,有松茸,韭菜,大白菜.,栗米豬肉餃其實小弟都算鐘意食餃,多多都食得落,首先係松茸湯餃子,食落有好重既菇味,之後係韭菜同大白菜湯餃,菜同肉既比例岩岩好,之後就到煎餃啦,同樣都有大白菜,我地仲叫左栗米豬肉餃,味道唔錯,飲埋跟餃送上既特制四寶湯,唔會飽飽濟濟,清哂所有餃再食埋大大碟菜心,埋單都係200蚊唔洗,確係抵食

偶然食下啲平民野～唔使餐餐都大魚大肉咁岩經過呢間三哥餃子店佢仲標榜有個（四寶元氣湯），完全冇加味精～好似屋企嘅老火湯咁～～日日都出街食飯，所以入去試吓個湯店員送上個湯嘅時候同個招紙一樣：叫我地加小小鹽吊味～果然係冇落味精！！飲落真係好似媽媽煲嘅湯，好唔要面咁問人可唔可以要多一碗😆😆 原來叫餃子就有一碗～～杞子餃亦都十分足料大大隻 ， 最重要係個皮好薄同埋好滑一人份量食八隻餃真係夠晒做晚餐，超級抵食P.s 碗碟佢仲用緊以前甜品店嘅碗碟，好環保另外店員好有街坊feel , 幾親民

幾年前因家人於內地工作的關係，曾於北方城市待過一段時間，那邊最好吃的就是當地人弄的手工水餃，即叫即包，外皮煙韌，肉餡多且肉汁滿滿，於香港很難尋到那味道~ 這次於大埔廣場發現了三哥餃子店，標榜健康原味、手工餃子，決定試試會否如當年所吃的味道~ 回味手拍青瓜 ($14) 冰凍爽脆的青瓜，蒜蓉滿滿的，惹味好吃，作為前菜就最適合不過了! 惹味酸辣雲耳 ($14) 很喜歡吃爽口的雲耳，夠酸又夠辣，而且份量很多，只售$14 實在超值~ 松茸腐皮卷 ($28) 即叫即煎的腐皮卷，外層煎得金黃亦夠乾身，內裡包著健康的松茸，香煎腐皮卷相當好吃! 湯杞子餃子配四寶元氣湯 (12隻/ $96) 一客12 隻餃子連湯要$96，實在相當昂貴，但吃過就覺得值回票價! 四寶元氣湯 即是粉葛鯪魚豬骨湯，對於家中絕少湯水喝的我，覺得味道如媽媽煲的自家靚湯. 沒味精的湯水喝後當然不會口乾，如果覺得淡味可自行加鹽，但個人覺得不加鹽已經很美味了! 湯杞子餃子 即叫即包的餃子，每隻都大大隻，而且很飽滿!! 外皮既滑又煙韌，即包的餃子確是不同; 內裡肉餡汁多且有不少養生杞子，清淡且健康的餃子個人很喜歡~

話說老公話喉嚨痛唔舒服，想食得清淡啲，我本身提議去食粥，佢又話驚唔飽，最終放工返到大埔，佢同我講話想食餃子咁啱又係叫三哥，都已經差唔多八點幾，Monday Blue 場內都滿座，攞咗飛等左10分鐘到就有位喇！坐低見到差唔多每人一碟拍青瓜同埋口水雞，我都order試吓手拍青瓜 $14, 價錢十分抵食，入口爽脆，調味夠味道，醃得不錯麻辣松花皮蛋 $16，薑片甜酸辣再加上皮蛋嘅鹹香，口感味道層次都十分豐富。秘制口水雞 $38，冷盤前菜，少許麻辣感覺入口甘香。一連幾碟辣野，個口真係有啲麻所以即刻叫返兩支豆漿中和一下，豆漿 $10黑芝麻豆漿 $10，唔係好甜幾好飲。生意太好，等左十幾分鐘，脹卜卜的湯松茸餃子來了。圓滿足料而且真係冇味精，健康的味道，好 warm 的配四寶元氣湯，我是無飯主婦，$96/12隻 晚晚來食都抵兩個人食一碟又點會夠呢？再來一客雙拼餃子 $43/10隻湯芫茜豬肉 mix 鮮牛肉餃, 皮薄涵靚，配豆瓣醬同醋更加好味。咁我又多一個開飯熱點啦

呢間餃子店一向都好多區內人黎食，今次行過大埔，見到幾多人，環境又唔錯，就入去食下。叫咗個松茸餃子配四寶湯，好足料好好食，個湯真係無味精，我唔覺得淡，因為我都係養生人士，反而覺得係媽媽味，我好鍾意。個餃子肥胖胖的，好多料，皮不太厚，適中。好好味店內環境乾淨，見到有好多一家大細，食物款式都唔算少，另外亦都買咗個雲耳同埋腐皮卷外賣，雲耳嘅調味唔會太重，清清淡淡，反而食得出到雲耳嘅爽口感，而腐皮卷外脆，內涵又多，好好味。

星期日天氣很好，想做一些戶外運動，最後決定踩單車由馬鞍山踩單車入大埔，累了都要搵啖食又唔想太油膩，到了大埔廣場，最後選擇了三哥餃子店醫醫肚，由於去的時候大概兩點，等了五分鐘左右就有位。餐牌上有招牌的杞子松茸系列，也有很多菜味加豬肉的餃子，最後選擇了松茸湯餃配元氣四寶湯，和大白菜豬肉煎餃併粟米豬肉煎餃。溫馨提示煎餃等候的時間較長，大概需要15分鐘！首先杞子蒸餃先到，望落去餃子都算大粒，咬落去時皮不算口，餡料亦十足，本人覺得不需要加辣醬和鼓油，除非是濃味愛好者，輕輕浸一浸個四寶湯再食，份外好味！而湯的方面則比較清淡，相信真的沒有落味精，如果覺得不夠鹹味，亦會有鹽提供這點也很貼心！至於煎餃方面，本人覺得菜味餃比起粟米餃較為好吃，可能菜味餃始終比較傳統，這裏還有芫茜菜心韭菜味的餃子可供選擇，下次會再試，至於煎餃方表皮較為硬身，不及蒸的好，不過就香口些，脆脆的，可以一試！

下午到大埔閒逛，經過看見這家餃子店內客人不少，決定進店試試。店內大概有四/五張四人枱，有不少一家大細的家庭客。餃子種類也不少，初初煎餃打算點「莞茜豬肉煎餃」，可是店員很貼心告知我們莞茜經煎過後會變苦，於是我們便轉第二款了。原本想點竹蔗水，可惜售罄，轉點了有機低糖豆漿，想不到是支裝的。手拍青瓜味道酸酸甜甜，很開胃，青瓜上有蒜和莞茜，而且醃製了一定時間，所以每條青瓜也很入味！這個木耳的汁跟青瓜的汁有點相似，雖然是酸辣木耳，但更像麻辣木耳，不算很辣，但吃幾件木耳後，口漸漸變麻，很有趣！杞子餃子配四寶湯，四寶湯能喝出杞子的味道，相信廚師是沒有加鹽的，因為一點也不咸，湯品較清，但客人可自行下鹽以配合自己的味道。我自己一向喜歡較清的湯，這個湯品很適合！杞子餃子的尺寸好像比煎餃大，內裡有蔥、豬肉和杞子，不用點醋也已經夠味，連湯一起吃餃子是另一番滋味，想不到煎餃子配湯是那麼令人驚喜，強烈推薦這餐廳的湯餃子煎餃子是最後才上菜的，煎餃配上餃子醋和豆瓣醬會更好吃。粟米豬肉餃並不常見，粟米份量算不少，因為粟米很爽甜，所以餃子吃下去是爽口又甜甜的。大白菜豬肉餃的大白菜也佔了餃子差不多一半，而且這個餃子的蔥味更重

琴日去咗大埔超級城，行到攰緊係食啦，行經附近見到一間三個餃子店，餃子我都鍾意食架喎，咁梗係試吓啦呢度有特色嘅餃子就係松茸餃子，松茸係一啲好矜貴嘅食材唔係度度都有架，竟然俾佢諗到整餃子，我地叫左兩個小食:一個松茸腐皮卷一個麻辣松花皮蛋。腐皮卷皮薄足料喎皮蛋配薑片一直都係絕配，薑片用咗一啲醋去醃制酸酸甜甜，皮蛋亦都有麻辣味，食完個口都麻左，兩者嘅配搭都幾好重慶鮮肉雲吞開頭諗住好辣，點知比想像中冇咁辣好好彩生煎松茸子配四保元氣湯係一個餐嚟嘅，由於餃子係生煎，所以所需嘅時間都要20至30分鐘，熱辣辣新鮮煎起嘅餃子我最鍾意食，餃子皮好脆食飽飽繼續有力去行街街