Pheromone Dessert (Closed)

又到左姊妹相聚，講到唔停咀既時間了～食完晚餐，我地走左去呢間位於白布街既「很法國風」既甜品店，聽講佢呢度啲Waffle好食過「甜XX」，我第一次食既超燶、超硬waffle 就係係「甜XX」，所以今次都係試下既心態，慶幸佢冇令我失望  呢個甜品可以話一次過滿足曬一般女仔既三個願望(心太軟+自選雪糕+waffle)心太軟：一切開佢裡面既朱古力流心就流落個waffle上面，令到waffle有另一種食法，心太軟既外層蛋糕煙韌再配埋朱古力流心好正啊！自選雪糕：我揀左朱古力味，諗住同一個toneWaffle:成碟野既重點（我覺得），佢同心太軟外層一樣煙煙韌韌，有食蛋糕既口感，好香蛋味，再配埋溶溶地既朱古力雪糕，waffle索左雪糕、又熱又凍既口感，簡直停唔到口啊！隔離檯個男人見我自己一個一食曬成碟都嚇親  朋友佢地叫左一杯好似卡通片入面既雪糕杯，同普通waffle~大家佢地既waffle都樹起手指公