我愛慢煮 (Under Renovation)

寬敞的露營嘅環境，配上慢煮嘅烤肉，只要係年青人就會鍾意呢個地方。環境唔少打卡位，露營傢俬新淨，小油燈嘅燈光底下好有氣氛。我哋就喺呢個白色帳幕度影咗好多相。小食order咗墨西哥脆片，充滿溶化嘅芝士，相當滋味。上菜用嘅托盤都好有露營風。主菜order咗加拿大保濕豬鞍，紅酒燴羊膝。兩份慢煮烤肉都做到粉嫩juicy，醃料醬汁都有良好嘅配搭。甜品係賣相唔錯嘅比利時窩夫配雪糕。熱飲點咗hot chocolate 和水果茶。兩個人晚餐，埋單大概550加一。服務態度值得一讚。