雲貴風正宗雲南米線

Open Now

Now Closed

住屯門既朋友話雲貴風係區內既數一數二好食既米線，聞名不如見面今日決定黎屯門試一試。依間野平時食晏時間聽講都要等位，所以我地12點鐘就準時企係佢門口等佢開，最後緊係唔洗等位就有得入去坐啦。我叫左碗唔辣既炸豬扒魚腐小鍋米線。個豬扒有d薄同乾身，米線都算唔錯。朋友就叫左碗小辣既豬肚豬潤小鍋米線，果然小辣既湯底係好食d。另外我地幾鍾意佢小鍋米線d肉碎，令到每啖米線食落幾有口感。住係區內間中黎食都算okay，但如果要特登入黎食就可能要考慮下。