Video
Read full review
2013-08-18
88 views
Good food comes to those who wait，好野係要爭崩頭。前排去日本旅行嘅時候，見到當地人好有耐性咁排隊食窩夫，心諗唔係啊嘛，有冇咁好食呀，排個幾鐘都排。點知幾個禮拜後嘅今日，我做緊同樣既野。一打開𨋢門，嘩，真係可以話係人山人海，即刻埋去攞左張飛，等八張大枱，大概等左四十五分鐘。四個人叫左四個套餐，套餐包嘅凍飲選擇少而且唔太吸引，所以只係其中一杯要左凍水果紅茶，其他特飲都另外再加價錢要。每份套餐有一個主菜跟一碗飯同一杯飲品。我要咗個台式三杯雞。唔知大家知唔知，其實三杯雞即係一杯油、一杯酒同埋一杯豉油。呢鍋三杯雞食落其實冇乜米酒既香味，仲要有好多蒜頭，不過嗰啲薑片爆香左之後辣味無晒卻好甜，配埋嗰啲九層塔，真係香氣四溢。雞肉都嫩滑。 蚵仔煎炸得非常好，唔油而且好鬆脆，配合埋少少地蛋漿同蚵仔真係ichiban!肉躁茄子煲，本身嗰啲肉燥其實香濃，最啱用黎撈飯。另外果啲茄子吸晒肉燥嗰啲鹵水汁，好正。但係略嫌油左D，食到底嘅時候見到好多油。最後一個主菜係沙茶牛仔骨，個牛仔肉一d都唔un，而且充滿哂沙茶醬嘅味道，旁邊嘅配菜洋蔥亦都好甜。總括，四個餸都好適合用黎送飯。加左錢叫
Good food comes to those who wait，好野係要爭崩頭。前排去日本旅行嘅時候，見到當地人好有耐性咁排隊食窩夫，心諗唔係啊嘛，有冇咁好食呀，排個幾鐘都排。點知幾個禮拜後嘅今日，我做緊同樣既野。一打開𨋢門，嘩，真係可以話係人山人海，即刻埋去攞左張飛，等八張大枱，大概等左四十五分鐘。
四個人叫左四個套餐，套餐包嘅凍飲選擇少而且唔太吸引，所以只係其中一杯要左凍水果紅茶，其他特飲都另外再加價錢要。每份套餐有一個主菜跟一碗飯同一杯飲品。
我要咗個台式三杯雞。唔知大家知唔知，其實三杯雞即係一杯油、一杯酒同埋一杯豉油。呢鍋三杯雞食落其實冇乜米酒既香味，仲要有好多蒜頭，不過嗰啲薑片爆香左之後辣味無晒卻好甜，配埋嗰啲九層塔，真係香氣四溢。雞肉都嫩滑。
蚵仔煎炸得非常好，唔油而且好鬆脆，配合埋少少地蛋漿同蚵仔真係ichiban!
肉躁茄子煲，本身嗰啲肉燥其實香濃，最啱用黎撈飯。另外果啲茄子吸晒肉燥嗰啲鹵水汁，好正。但係略嫌油左D，食到底嘅時候見到好多油。
最後一個主菜係沙茶牛仔骨，個牛仔肉一d都唔un，而且充滿哂沙茶醬嘅味道，旁邊嘅配菜洋蔥亦都好甜。
總括，四個餸都好適合用黎送飯。加左錢叫咗幾杯飲品都好正。檸檬愛玉飲落酸酸哋，感覺清新，好適合配番較油既主菜。凍水果紅茶唔使加錢，浸左幾種水果(火龍果、士多啤梨、藍莓)同埋黑珍珠，用既係lipton檸檬茶包。
最後梗係唔少得萬眾期待嘅甜品，但由於食過主菜後都已經好飽，所以唯有只能夠選擇一樣，叫咗士多啤梨雪糕蜜糖磚。上菜嘅非常矚目，size大，個球雪糕已經慢慢係到溶緊，流入去呢啲麵包方磚。方磚即係多士厚切四方形粒粒，最欣賞佢係仲能夠保持脆度，加埋D蜜糖，真係好好味。個包邊就麻麻地，因為無蜜糖，球雪糕唔知係咩牌子，但食落夠creamy似Dryers!有人話呢d係生意手法，營造好受歡迎既效果，但無奈宜家訂位何其方便，又電話又上網又APPS，所以仍然有班無耐性既朋友係永遠食唔到。另外好想俾d掌聲GEMMA，門口個個waitress，無咪都要o係人海中叫D號碼，仲要處理客人既不滿鼓躁，值得一讚!
Post
