Hungry Monkey (海之戀商場) (Closed)

行完Donki好肚餓，見到商場有Hungry Monkey有位，即刻入去開餐先！餐廳入面好有日式居酒屋嘅感覺，扮去咗旅行😂前菜叫咗青蘋果蟹子沙律，份量算幾多，味道清新爽甜，好開胃。另外仲叫咗燒鱈魚乾，用嚟送酒簡直一流👍🏻之後就食肉啦！厚燒牛舌同豬勁好食！醃得好入味，店員好細心咁留意我哋嘅進食速度，唔會一次過送上枱而令到食物攤凍晒，讚👍🏻我哋仲叫咗兩隻元貝，燒得啱啱好，好juicy! 澱粉質我哋食咗A5和牛坑腩炒飯，熱辣辣好夠味，又飽肚，好正😬 冬天就係想食飯！侍應推介朱古力炸彈做甜品，裏面啲朱古力醬好正，唔會太甜，食完真係好鐘意🫶🏻