藏 (Closed)

朋友推介過話好味，咁我就去試試。總括黎講，食物係好高質，服務同環境都好好，非常對得住個價錢。聽完師傅同侍應介紹個menu後，決定試下個日本雲丹海膽伊勢海老丼。一開始上既係沙律同茶碗蒸。茶碗蒸蒸得好滑，有濃濃上湯味。沙律就正常發揮，菜好新鮮爽口，總之材料唔係hea。主菜等咗一陣先上，因為師傅話係新鮮龍蝦，要即劏，所以要D時間處理。主菜一上檯就俾個presentation驚艷到，同行友人表示好羨慕。至於味道呢，龍蝦肉爽口鮮甜彈牙，龍蝦箝全部已經拆曬肉，一啖咬落個龍蝦箝度，感覺超奢侈同滿足！輪到個北海道馬糞海膽，好甘好濃好鮮甜，入口即溶，少少腥味都無。仲有旁邊碟龍蝦膏，又係唔洗自己拆，可以一羹羹咁直接擺入口，真係好嘆好爽。而個酸薑都好特別，侍應姐姐話係師傅特別處理過，加咗柚子落去，所以酸酸甜甜好清新，平時唔特別食酸薑既我都食咗好多舊。最後甜品我揀咗師傅自家製蕨餅，食完真係有大滿足既感覺。總結一下，呢間餐廳係幾有heart做，師傅好有心機同你講解D食物，全程傾得好開心，侍應都好有禮貌，環境又舒服。齋睇個餐牌你未必覺得平，但食完你會知D食材有幾堅幾新鮮，其他餐廳同一質素相信可以再賣貴好多。希望k