Gram Cafe & Pancakes

Open Now

Now Closed

店名：Gram cafe & pancakes地點：尖沙咀彌敦道100號The ONE菜式：日式班戟餐牌：鹹班戟同甜班戟，班戟有梳乎里款式又有熱香餅款式。其他野如三文治，法式多士，雪糕，雪花冰，沙冰，梳打，咖啡，茶，果汁，汽水。另外都有午市套餐同歡笑兒童餐。蛋沙律巴馬火腿班戟 $98 另加一蛋沙律巴馬火腿班戟賣相不俗。面頭一片巴馬火腿喺頂，下底就係生菜沙律加紫洋蔥絲，已經加左沙律醬。再下底就係主角薄班戟皮包住豐富嘅蛋沙律。又薄又軟綿綿嘅班戟薄皮配爆餡夠醬蛋沙律超好味！最下底就係一塊甜甜哋嘅熱香餅，都好軟綿綿。碟邊有車厘茄同紫洋蒽，加上沙律醬同醋調味。呢款班戟好特別，味道都唔錯，唔怪得係香港限定！午餐有3款，我揀左豚肉咖喱蛋包飯。豚肉咖喱蛋包飯 $88 另加一一上枱就聞到好香咖喱味。咖喱有好多豚肉五花腩，伴有少少紅蘿蔔同洋葱，味道好濃，送白飯一流。蛋包飯塊蛋偏薄身，味道淡淡，面頭撒上少少香草，配濃咖喱都幾好。午餐包一杯飲品，我要左杯凍檸茶。凍檸茶有好多冰，面頭有三片檸檬，糖水另上。今餐幾鍾意個蛋沙律巴馬火腿班戟，好有特色。