Video
Read full review
2017-07-12
1087 views
呢間素食可謂老字號，是日休假，之前幾日食得較肥膩，突然想轉轉口味，帶媽媽去咗試呢間素菜館試吓。一睇Menu 款式夠多樣化多新穎，日韓中西泰越式都有，因為媽媽唔食生嘢未試過壽司，於是點咗個牛油果饅魚壽司佢試，牛油果好新鮮，素鰻魚就脆卜卜都幾得意，加少少芥末都ok前菜係鹽水煮枝豆，夠稔。另外點咗鮑魚雞絲粥、日式蛋卷、軟殻蟹米紙卷。鮑魚雞絲粥嘅素鮑魚好咬口，加咗好多薑絲，清清地幾好味。日式蛋卷同一般日本餐廳都係甜蛋卷，配少少沙律菜，但得幾件又唔特別滑，小伏。最伏係個軟殻蟹米紙卷，米紙偏靭，至於餡料係大量沙律菜加炸脆咗嘅紫菜，紫菜係唔錯嘅，但問題在於沙律菜唔知係非時令或唔夠新鮮，苦味甚多，雖然呢餐預咗食菜多，但沙律菜令我有D 失望。睇番對面檯嘅外藉情侶點素北京填鴨，中式菜加飯，似乎更好味，後來搭檯嘅兩位女士話多士係招牌菜，睇嚟要參考番openrice 介紹再食。值得一讚係玄米茶夠香，食素容易體質偏寒，配炒過嘅玄米茶就夠暖胃啦！另外，侍應姐姐都好nice, 見我地想沖中藥粉，主動幫我地加熱水座溶佢埋單二百幾，收費偏貴，但似乎好多食客有貴賓卡喎
一睇Menu 款式夠多樣化多新穎，日韓中西泰越式都有，因為媽媽唔食生嘢未試過壽司，於是點咗個牛油果饅魚壽司佢試，牛油果好新鮮，素鰻魚就脆卜卜都幾得意，加少少芥末都ok
前菜係鹽水煮枝豆，夠稔。另外點咗鮑魚雞絲粥、日式蛋卷、軟殻蟹米紙卷。鮑魚雞絲粥嘅素鮑魚好咬口，加咗好多薑絲，清清地幾好味。
日式蛋卷同一般日本餐廳都係甜蛋卷，配少少沙律菜，但得幾件又唔特別滑，小伏。
最伏係個軟殻蟹米紙卷，米紙偏靭，至於餡料係大量沙律菜加炸脆咗嘅紫菜，紫菜係唔錯嘅，但問題在於沙律菜唔知係非時令或唔夠新鮮，苦味甚多，雖然呢餐預咗食菜多，但沙律菜令我有D 失望。
睇番對面檯嘅外藉情侶點素北京填鴨，中式菜加飯，似乎更好味，後來搭檯嘅兩位女士話多士係招牌菜，睇嚟要參考番openrice 介紹再食。
值得一讚係玄米茶夠香，食素容易體質偏寒，配炒過嘅玄米茶就夠暖胃啦！另外，侍應姐姐都好nice, 見我地想沖中藥粉，主動幫我地加熱水座溶佢
埋單二百幾，收費偏貴，但似乎好多食客有貴賓卡喎
Post
