Gusto - Taste Italian (Closed)

去完科學館既恐龍展覽，同朋友去左附近一間酒吧餐廳，順道欣賞下尖東美景同氣氛。紐西蘭羊肉丸串燒($178)（⭐️⭐️⭐️⭐️⭐️）去得酒吧餐廳，緊係要叫返d CHILL d既菜式。呢個羊肉串燒就啱晒啦，淨係個擺碟賣相都夠晒搶鏡，五顏六色既材料十分吸睛，一舊串一舊，好適合同三五知己一邊飲酒傾偈，一邊吉一舊慢慢嘆。味道方面，肉丸肉質十分彈牙，唔會好似d雪藏肉丸咁鞋口，而且食很出濃濃既羊味而又唔會好羶，加上其他配料同沙律一解肉膩，真係食唔停。原隻波士頓龍蝦煨意大利飯($288)（⭐️⭐️⭐️⭐️⭐️）朋友好鍾意食海鮮，於是叫左呢個龍蝦飯。未食就已經見到碟上面大大隻既原隻波士頓龍蝦，真係食指大動。筆者特別要讚就係餐廳好細心咁處理左食材，將龍蝦尾原隻取出，蝦鉗亦都剪到可以一啖輕易食到，啱晒筆者呢類懶人或者要顧及禮儀既女士們。龍蝦鮮甜爽口，絕對唔係霉霉爛爛既肉質，另外餐廳係煮呢個煨飯，相信一定落重本同時間，每粒飯都好Q彈，而且有好香既龍蝦味。意大利巴馬火腿薄餅($218)（⭐️⭐️⭐️⭐️💢）去到酒吧同朋友邊食邊傾，點會唔少得pizza呢。意大利餐廳當然要食返地道風味既巴馬火腿薄餅啦。筆者好中二薄餅底厚薄適中，唔會厚到似食麵包