水門雞飯 (厚福街)

Open Now

Now Closed

今日晏晝去咗尖沙咀食水門雞飯，厚福街同隔離金馬倫道都有分店，好方便。。嚟得水門雞飯就一定要叫個雞飯，見到好多做gym大隻佬都嚟食雞胸飯😂雖然係雞胸，但係肉質都幾嫩滑，油飯唔會太油膩，再加埋泰式辣醬，健康又好食。另外叫咗個冬陰功湯金邊粉，餸大推薦叫牛肉，有4大片，牛味重肉質鮮嫩。炒通菜有得揀少鹽少油少辣，食落健康好多，但係都有泰式風味。串燒試咗烤魷魚，好香魷魚味。泰式奶茶雖然冇得揀少甜，但飲落都唔會太甜啱香港人口味。另外芒果冰嘅味道勁似細個成日食嘅芒果糖。