Video
Read full review
2024-12-23
208 views
今日嚟到位於太古城嘅 HAND3AG THE TABLE，餐廳以灰白色為主調，簡單而有現代感，有種乾淨企理嘅感覺。我地剛好趕得上晚上6:50入座，即刻叫一個Happy Hour 套餐（供應時間為平日下午三點至七點），$59包兩杯手工啤酒同一份薯條，性價比都幾高㗎！當然我哋仲有叫晚餐啦，晚餐加$10就可以有湯同嘢飲，如果覺得唔夠喉仲可以加$20叫份小食。最後嚟一份甜品收尾，perfect！1. Happy Hour 套餐 ($59)套餐可以揀兩款手工啤酒同一份Shake Shake薯條。啤酒有King in Yellow （清啤）同 Old Blood （烘烤黑啤），清啤清爽易飲，但酒精嘅味道會出少少，而黑啤麥味會重啲。薯條係粗薯，上面灑滿Shake Shake 粉（可以揀拿坡里薄餅、BBQ燒烤、香辣芝味），食落唔覺得膩，作為 Happy Hour 小食幾適合配啤酒。2. 日式燒雞肉野菌燉釜飯 ($130)講真冇諗過會喺呢度見到釜飯，所以忍唔住試試。賣相幾吸引同還原，雞扒入味有輕微焦香，而野菌為整個飯增添香氣。飯底稍為濕潤但味道尚算均衡，入面仲有油揚同紅蘿蔔都不錯。3. 炸蠔 (+$20
我地剛好趕得上晚上6:50入座，即刻叫一個Happy Hour 套餐（供應時間為平日下午三點至七點），$59包兩杯手工啤酒同一份薯條，性價比都幾高㗎！當然我哋仲有叫晚餐啦，晚餐加$10就可以有湯同嘢飲，如果覺得唔夠喉仲可以加$20叫份小食。最後嚟一份甜品收尾，perfect！
1. Happy Hour 套餐 ($59)
套餐可以揀兩款手工啤酒同一份Shake Shake薯條。啤酒有King in Yellow （清啤）同 Old Blood （烘烤黑啤），清啤清爽易飲，但酒精嘅味道會出少少，而黑啤麥味會重啲。薯條係粗薯，上面灑滿Shake Shake 粉（可以揀拿坡里薄餅、BBQ燒烤、香辣芝味），食落唔覺得膩，作為 Happy Hour 小食幾適合配啤酒。
2. 日式燒雞肉野菌燉釜飯 ($130)
講真冇諗過會喺呢度見到釜飯，所以忍唔住試試。賣相幾吸引同還原，雞扒入味有輕微焦香，而野菌為整個飯增添香氣。飯底稍為濕潤但味道尚算均衡，入面仲有油揚同紅蘿蔔都不錯。
3. 炸蠔 (+$20)
呢個炸蠔真係加咗唔少分，一吉落去爆汁，外層金黃香脆，入口唔腥仲有少少汁。
4. 慢煮蕃茄肉醬溫泉蛋意大利闊條麵 ($120)
賣相不錯，味道溫和而不過重，有好多小蕃茄同肉粒！
5. 濃厚芝士蛋糕 ($38)
芝士蛋糕口感綿密，搭配藍莓同焦糖醬，甜度啱啱好又唔會膩，作為收尾甜品唔錯。
總結：
Happy Hour 套餐性價比確實吸引，如果想約人簡簡單單飲杯嘢，又或者自己一個飲杯啤酒輕鬆下，呢度都係唔錯嘅選擇！
Post
