Video
Read full review
2010-11-05
252 views
朋友生日，當然要試特別d嘅晚餐…米芝蓮二星之中呢間都算幾特別先講食物方面：開胃前菜(Amuse Bouche，送嘅)：唔介紹都唔知係乜嘢，原來呢杯係南瓜蓉加肥豬肉cream麵飽任食，多數仲係新鮮出爐，要試多幾款，最好食嘅係芝士麵飽頭盤 － 龍蝦仔沙律(Maine lobster in sherry vinegar mayonnaise over iceberg lettuce)：龍蝦仔唔算新鮮，可能係急凍貨色，味道不過不失頭盤 － 煎鹅肝(Warm goose foie gras with season’s fruits)：鹅肝外香內軟，入口即溶，無得彈主菜 － 多寶魚(Turbot, 網上嘅menu搵唔到呢款菜)：最特別係上面堆炸准山，好似炸薯條..條魚本身嘅肉地幾實，唔腥，無乜魚味，個醬汁過份地酸…簡單講，其它魚嘅主菜可能更好味主菜 － 嫩羊架(Lamb au jus with a salad of herbs, served with mashed potato)：另一推介，好嫩滑，質感(texture)好特別，唔點醬汁都好好味，而且伴碟薯蓉勁幼滑，難得一見嘅好食主菜甜品 － 朱
先講食物方面：
開胃前菜(Amuse Bouche，送嘅)：唔介紹都唔知係乜嘢，原來呢杯係南瓜蓉加肥豬肉cream
麵飽任食，多數仲係新鮮出爐，要試多幾款，最好食嘅係芝士麵飽
頭盤 － 龍蝦仔沙律(Maine lobster in sherry vinegar mayonnaise over iceberg lettuce)：龍蝦仔唔算新鮮，可能係急凍貨色，味道不過不失
頭盤 － 煎鹅肝(Warm goose foie gras with season’s fruits)：鹅肝外香內軟，入口即溶，無得彈
主菜 － 多寶魚(Turbot, 網上嘅menu搵唔到呢款菜)：最特別係上面堆炸准山，好似炸薯條..條魚本身嘅肉地幾實，唔腥，無乜魚味，個醬汁過份地酸…簡單講，其它魚嘅主菜可能更好味
主菜 － 嫩羊架(Lamb au jus with a salad of herbs, served with mashed potato)：另一推介，好嫩滑，質感(texture)好特別，唔點醬汁都好好味，而且伴碟薯蓉勁幼滑，難得一見嘅好食主菜
甜品 － 朱古力波波(Surprised chocolate ball with dacquois and caramel ice cream)：外殼用熱焦糖一淋就會溶，代表願望成真，杏仁蛋白餅(dacquois)又幾好味，雖然個人覺得甜咗d
甜品 － 薄荷刨冰配熱朱古力(網上嘅menu搵唔到呢款甜品)：幾有創意，不過薄荷味勁到有D苦
法式小點心 (Petits Fours，送嘅)：有法式杏仁小圓餅(macaron)，45%朱古力，啫喱和金萡朱古力豆…呢個時候我地已經食到幾飽，又食咗太多朱古力，所以食唔晒d金萡朱古力豆添…唯一唔明嘅係點解無餐具用，結果我地真係用手食
環境/服務方面：
坐喺Jardin入面 真係舒服過 坐出面L' Atelier好多，雖然無Set Dinner揀而要散叫(A la carte貴一半)，都值
好彩一個月前已經訂枱，原來閒日禮拜三都好full，遲訂可能無咁舒服嘅枱坐
環境未必有五星酒店咁Grand，但係服務係超五星，Maitre d' （餐廳領班）非常善解人意
a) MD幫我地影完相，即刻印出嚟送俾我地
b) 食甜品嗰陣，MD主動沖D熱水我地飲
c) toilet喺好逺，MD主動帶我朋友去 (toilet門好攪鬼,原來係自動門)
d) 臨走再送多個朱古力蛋糕俾我地扲返屋企食，好似去朋友屋企食飯感覺
結論係，二千四一餐呢個價錢係值得嘅
Post
