Espresso Alchemy

Open Now

Now Closed

上個月試左荃灣既Espresso Alchemy, 今次因為要去Mplus 既關係，順便可以同朋友試埋尖沙咀海港城分店。海港城分店都係晌商場裡面，分左兩邊坐，座位都係坐得好舒服，好開楊。仲有拱門位置，幾靚。Menu 好多選擇，今次試下新野😉墨西哥夾餅配慢煮豬肉及莎莎醬 HKD89呢個我自己好鐘意♥ 超級惹味，加埋青檸同埋佢枝辣汁，真係好fresh! 呢個係鯨吞十件都得🤤火雞胸蕃茄芝士意大利三文治 HKD69呢個三文治，厚厚一層芝士同埋啲火雞胸係塞滿。Cappuccino HKD38Keep 到水準果香紅茶 HKD57未上枱已經聞到好大陣果香，好飲。我最期待既甜品就係西多士伴鮮漿果雪糕😍😍佢有楓糖漿或者海鹽焦糖漿揀，我地揀左楓糖漿。覺得好好味，多士熱辣辣入面仲要有果醬再配埋凍冰冰既雪糕，真係perfect match呀!!! 食完好開心咁展開我既Mplus之旅。呢間真係無論食物、環境定係staff 都好好。果然間間都座無虛席，期待下一次再試唔同既野食。