Video
Read full review
2023-07-17
23 views
今日Happy Friday，緊係要同朋友聚一聚，我哋揀左間cafe去relax下。Cafe工業風裝修，入到去已經係full house，好彩仲有張二人枱。Menu選擇正常，但最重係啱食。我哋揀左沙律、burger同意粉，另外兩杯飲品。燒虎蝦帶子田園沙律配檸檬油醋汁：蝦同帶子燒得香口，沙律菜新鮮爽口，洗得乾淨，裡面有無花果，幾甜，配埋檸檬油醋汁，酸酸地，幾開胃。手打安格斯牛肉漢堡配薯條：漢堡重牛味，塊煙肉燒到好脆，芝士半溶狀態好香，另外仲有生菜蕃茄等，食落好有層次感，幾好食。伴菜係薯條，剛炸起熱辣辣，點埋旁邊松露醬仲好味。伯爵茶安格斯牛面頰意粉：牛面頰唔韌，一口一啖剛好，幾好食。醬汁有茶苦澀嘅味道，幾特別，上面仲有花椒做調味，微辣。呢個菜式有cross over感覺，幾有創意，整體唔錯。飲品：朋友叫左杯iced 85% Belize 朱古力，佢話朱古力味濃，有朱古力嘅苦味，少甜，佢好鐘意。我就叫左杯凍UJI Matcha Latte，泡沫好厚，抹茶味好濃，唔太甜，幾好飲。
Cafe工業風裝修，入到去已經係full house，好彩仲有張二人枱。
Menu選擇正常，但最重係啱食。我哋揀左沙律、burger同意粉，另外兩杯飲品。
燒虎蝦帶子田園沙律配檸檬油醋汁：蝦同帶子燒得香口，沙律菜新鮮爽口，洗得乾淨，裡面有無花果，幾甜，配埋檸檬油醋汁，酸酸地，幾開胃。
手打安格斯牛肉漢堡配薯條：漢堡重牛味，塊煙肉燒到好脆，芝士半溶狀態好香，另外仲有生菜蕃茄等，食落好有層次感，幾好食。伴菜係薯條，剛炸起熱辣辣，點埋旁邊松露醬仲好味。
伯爵茶安格斯牛面頰意粉：牛面頰唔韌，一口一啖剛好，幾好食。醬汁有茶苦澀嘅味道，幾特別，上面仲有花椒做調味，微辣。呢個菜式有cross over感覺，幾有創意，整體唔錯。
飲品：朋友叫左杯iced 85% Belize 朱古力，佢話朱古力味濃，有朱古力嘅苦味，少甜，佢好鐘意。我就叫左杯凍UJI Matcha Latte，泡沫好厚，抹茶味好濃，唔太甜，幾好飲。
Post
