瑪寶鮮

Open Now

Now Closed

三人行，Happy Hour完近近地去瑪寶鮮晚飯，有點晏不用等位。湯是喜歡到這裡的一個原因，今晚叫了姬松茸燉響螺，三人一人飲左兩碗半，超正，松茸味好香，足料之選，湯渣都比我地清晒之後叫左個小食，金沙涼瓜咸蛋黃炒涼瓜係第一次試，送啤酒一流，涼瓜味同咸蛋黃出奇地夾，要講多次真係好啱送啤酒。當晚主菜片皮鴨！有二食選，我地揀左配生菜包鴨鬆，上得都幾快，一大隻鴨係我地隔離慢慢片，一路片已經流晒口水。終於食得，皮夠薄，包埋鴨肉同蔥點醬食，又係好正三個人食份量啱啱好。最後叫左個老陳皮蒸龍躉腩水準表現陳皮味好香，火候時間剛剛好，用料又新鮮，飽晒！