名堤 (Closed)

Happy Friday 例牌會出街食午餐，銅纙灣食肆多，但價錢貴的仲多，小小打工仔可選的來來去去果幾間，其中一間經常幫襯既就係呢間－－名堤。呢間餐廳前身係越南餐廳，轉手後改為吃東南亞菜，午餐價格大約５０至７０元，包括餐湯，主菜及餐飲。有越式濛粉，河粉，海南雞飯，香茅豬扒飯，咖喱牛腩飯，金邊粉等等。本人多多數喜歡食炒金邊粉，海南雞飯及撈檬粉。先講講炒金邊粉：好大碟，男士選擇一定夠飽，餸有蝦，豆腐乾，肉絲，韮菜等等，味道適中，不過並不辣，好在有跟辣醬一碟再嚟海南雞飯：香飯一碗，雞數件並且去咗骨，雞肉當然並唔係鮮雞不過都算滑稽，配上海南雞既薑蓉及特式辣醬，係我喜歡食海南雞飯的主因最後講撈檬粉：大包圍有雞絲、雞扒、香茅豬扒、扎肉、烤牛肉、炸春卷等等選擇，食材全部都好味，每次食一款都足以食一星期，撈檬配上越式魚露，味道一定冇得輸今次首次試食咖喱牛坑腩飯：辣辣地，味香濃，牛腩夠淋，食咖喱要有的薯仔都有２粒，好味絕對食哂成碗飯。今餐收費$55，冇加一，水準保持，又多位唔洗等，不過就一定唔好期望有很好的服務，話哂午餐繁忙時段。