Video
Read full review
2022-07-12
2297 views
之前都有去過La Postre，不過係去尖沙咀厚福街果間，裝修一樣。上環分店係上環A2出口右邊，地點都算方便。由於係商業區，中午人流明顯較多，夜晚反而幾靜，幾岩Gathering傾下偈，甚至係中環放工過來Happy Hour，因為真係好平好抵，蘭桂坊飲杯野閒閒地$100/杯，呢度無分時段，大概$48-$68/杯，雖然選擇只有十幾二十款，但勝在夠抵飲，環境又夠靜，Cocktail味道都唔錯嘅，都幾Chill...聽講光顧午餐仲送飲品buy one get one coupon，即係$20+/杯起，平到唔識講......Memories ($68): 顏色鮮豔奪目，賣相幾討好，份量比一般Cocktail多，都幾大杯。Ingredients包括Malibu Rum、桃、菠蘿果汁、橙汁及士多啤梨醬，酸酸甜甜帶香甜嘅Rum酒味道，又唔會太濃烈，相當好飲。慢煮八爪魚配海鮮薯蓉及黑松露蛋黃醬 ($118): 八爪魚片厚薄適中，肉質爽彈，味道鮮香，每一件都搭配左海鮮薯蓉及黑松露蛋黃醬，一口一件，Portion及味道剛剛好。蟹肉芝士焗牛油果 ($88): 岩曬我呢種扮曬健康（有牛油果）又鍾意食重口味（又
由於係商業區，中午人流明顯較多，夜晚反而幾靜，幾岩Gathering傾下偈，甚至係中環放工過來Happy Hour，因為真係好平好抵，蘭桂坊飲杯野閒閒地$100/杯，呢度無分時段，大概$48-$68/杯，雖然選擇只有十幾二十款，但勝在夠抵飲，環境又夠靜，Cocktail味道都唔錯嘅，都幾Chill...聽講光顧午餐仲送飲品buy one get one coupon，即係$20+/杯起，平到唔識講......
Memories ($68): 顏色鮮豔奪目，賣相幾討好，份量比一般Cocktail多，都幾大杯。Ingredients包括Malibu Rum、桃、菠蘿果汁、橙汁及士多啤梨醬，酸酸甜甜帶香甜嘅Rum酒味道，又唔會太濃烈，相當好飲。
慢煮八爪魚配海鮮薯蓉及黑松露蛋黃醬 ($118): 八爪魚片厚薄適中，肉質爽彈，味道鮮香，每一件都搭配左海鮮薯蓉及黑松露蛋黃醬，一口一件，Portion及味道剛剛好。
蟹肉芝士焗牛油果 ($88): 岩曬我呢種扮曬健康（有牛油果）又鍾意食重口味（又有焗芝士）嘅人，夠Cheesy香口，有蟹肉鮮甜，加上牛油果嘅creamy及淡牛油果香，I like it anyway...唯一不足係牛油果唔夠淋，仲爭少少，但Overall搭配就真心唔錯嘅。
傳統西班牙烤鵪鶉脾配藜麥及脆香辣肉腸 ($128): 共有四件鵪鶉脾，份量合理但又唔會太飽肚，鵪鶉脾皮脆肉嫩，香口得黎又非常Juicy多汁，無論係質感或是味道，都無咩挑剔嘅空間。
抹茶麻糬窩夫 ($88/Half or $128/Whole): 呢度係半份，餐後兩個人食半份都好足夠，除非你好肚餓/當正餐食。窩夫新鮮焗起，外脆內軟，口感綿密帶牛油香，加配抹茶醬、紅豆醬及雲呢拿雪糕一併享用，味道非常香甜，層次更為豐富。
Post
