maze Grill (Closed)

呢間過江龍扒房由於非常出名, 尋晚終於book到位黎試。由帶位到落order, 餐廳Staff都好nice, 面帶笑容, 仲會recommend我地叫咩, GOOD!!! 最後我地叫左1個前菜, 2個main, 同埋1個dessert。Grilled Diver Scallops帶子好嫩, 配埋個汁食落唔錯, 不過可以再煎得香口D。Whole black pepper baby chicken呢個BB雞肉質嫩滑, 個皮烤得幾脆, 值得推介。Rib-eye 有炭燒既味道, 煎得岩岩好, 略嫌唔係咁入味, 點少少鹽會更好味。Sticky Toffee Pudding拖肥布丁鬆軟, 好好味, 朋友都大贊, 加埋有瑪利餅碎同埋果仁碎, 所有野好夾。餐飯食得幾開心, 野食唔錯, 加上可以對住維多利亞成個夜景, 有靚景睇住食都食得開心D。Couples同一大班朋友可以去嘗鮮一下。