The Butterfly Room

Open Now

Now Closed

第一次嚟到聞名已久嘅Butterfly Room嚟之前已經好期待，因為聽講好難book位朋友提早咗兩個月網上book五點嘅時段先book到。環境比我想像中細，但係亦都有比較舒適溫馨唔嘈雜可以好好享受美食。一開始嚟嘅四罐三文治都好味道，但係一定要等一陣嘅係最後嘅黑松露火腿芝士三文治，比想像中好食好多！味道好濃郁，黑松露味道點綴得啱啱好。其他三文治就係正常發揮。之後送上嘅蘑菇撻火腿麵包同埋湯都好好味！其實去到後期甜品車出嚟嘅時候都已經有啲飽，但係當然要試晒唔同嘅款式啦！適逢係冬天比較多柑橘類，姜，肉桂味道嘅食品同埋冬日嘅造型，感覺味道上有少少重複。拿破崙特別推介，味道唔會太甜，亦都好香脆！最後送上自家製嘅朱古力都非常好味！食到七點幾飽到攬住個肚，都食唔晒要打包拎走第二日返熱返都仲好好味！