佬啡 (Closed)

每次經過都見到有好多人圍住呢間小店，店舖只有門口兩張椅，見到佢個玻璃都好似有好多combination 嘅選擇。order咗一杯齋啡，一杯latte。沖咖啡嘅女仔做完第一杯latte之後，唔知係因為自己唔滿意定因為其他原因，佢倒咗杯咖啡話再沖過比我。到第二杯嘅時候，好明顯個拉花唔得，佢同我講因為佢整親隻手，同埋我叫豆奶，所以難拉花啲，其實我無乜所謂，不過咁樣講到出口，我反而覺我多咗藉口...然後飲落兩杯咖啡嘅味道都好淡...同偏水...所以唔好意思，試一次就夠。