Video
Read full review
2024-03-25
1940 views
完美三月，適逢我們這李家的周年紀念，安排咗同Lisboy遊完船河，過對面海搵到間平靚正有海景嘅文青Cafe享用我哋嘅晚餐，環境同埋味道都出奇地驚喜，仲有BB櫈同寫碟服務，好想快啲介紹俾大家。🦀 甲羅燒配龍蝦汁海鮮意粉一見到有呢個特別嘅甲羅燒主菜，就即刻order咗俾Lisboy食，上碟嘅時候有大大個蟹蓋裝滿蟹肉、蟹膏同埋蟹籽放係意粉🍝上面，加埋大量嘅蟹籽喺啲蟹蓋度流出嚟，完全滿足我哋嘅視覺同味覺😋蟹籽係個口度卜卜聲爆出嚟，哇～Lisboy食得好開心😆又好有蟹味！正！🐮 M5和牛壽喜燒溫泉蛋意大利飯牛肉飯都係Lisboy最愛嘅菜式之一，Risotto Mixed 壽喜燒都係第一次見，Risotto 好入味，壽喜燒唔算好鹹，加上半熟嘅溫泉蛋埋咗喺啲飯入面，食食吓整爆咗個溫泉蛋，啲蛋汁撈埋飯同埋牛肉一齊，真係絕配啊😍😋🥞 宇治金時班戟主菜加錢可以轉set，我哋加錢升級有得自選餐飲同甜品😍幾飽都好，女人有第二個胃食甜品🤤呢個宇治金時班戟不得了，一塵又一層嘅甜物，有紅有綠勁吸睛，最高嗰個抹茶Mochi配埋紅豆雪糕，勁match🤤最特別係因為三月係我哋嘅周年紀念日，所以book位時問咗可唔可以寫碟
完美三月，適逢我們這李家的周年紀念，安排咗同Lisboy遊完船河，過對面海搵到間平靚正有海景嘅文青Cafe享用我哋嘅晚餐，環境同埋味道都出奇地驚喜，仲有BB櫈同寫碟服務，好想快啲介紹俾大家。
🦀 甲羅燒配龍蝦汁海鮮意粉
一見到有呢個特別嘅甲羅燒主菜，就即刻order咗俾Lisboy食，上碟嘅時候有大大個蟹蓋裝滿蟹肉、蟹膏同埋蟹籽放係意粉🍝上面，加埋大量嘅蟹籽喺啲蟹蓋度流出嚟，完全滿足我哋嘅視覺同味覺😋蟹籽係個口度卜卜聲爆出嚟，哇～Lisboy食得好開心😆又好有蟹味！正！
🐮 M5和牛壽喜燒溫泉蛋意大利飯
牛肉飯都係Lisboy最愛嘅菜式之一，Risotto Mixed 壽喜燒都係第一次見，Risotto 好入味，壽喜燒唔算好鹹，加上半熟嘅溫泉蛋埋咗喺啲飯入面，食食吓整爆咗個溫泉蛋，啲蛋汁撈埋飯同埋牛肉一齊，真係絕配啊😍😋
🥞 宇治金時班戟
主菜加錢可以轉set，我哋加錢升級有得自選餐飲同甜品😍幾飽都好，女人有第二個胃食甜品🤤呢個宇治金時班戟不得了，一塵又一層嘅甜物，有紅有綠勁吸睛，最高嗰個抹茶Mochi配埋紅豆雪糕，勁match🤤最特別係因為三月係我哋嘅周年紀念日，所以book位時問咗可唔可以寫碟服務？餐廳好好，又幫我哋安排到！
🍹 蝶豆花香梨梳打
外貌協會嘅我餐飲都揀咗杯蝶豆花梳打，有外貌又有內涵，呢個蝶豆花流打溝埋香梨醬，酸酸甜甜好開胃有解渴，圓滿嘅晚餐！
Post
