凡高廚房

Open Now

Now Closed

🎶一個人原來都可以盡興🎶之前係網上睇到呢間以竼高作品做主題嘅西餐廳， 就已經想黎朝聖一下，今日終於有機會🤩🌻環境🌻無論係餐廳門外或內里，都掛滿住竼高作品嘅仿製品，仲有模仿竼高作品嘅實景裝置，令人不知不覺間浸淫係竼高嘅世界🌌放下工作煩囂，以平靜嘅心，好好品嘗美食。🌻🌼LadyB 是日精選：行政套餐🌼🥗前菜：凱撒沙律羅馬生菜新鮮，加埋芝士沙律醬同炸過嘅火腿粒，算係正宗嘅做法👍🏻🍄98%野菌忌廉湯足料蘑菇湯，啖啖蘑菇肉，唔太多嘅調味反而突出蘑菇嘅鮮味，啱晒鍾意食蘑菇嘅我。用面包點嚟食，好滿足😋 🐟主菜：鱸魚 （是日鮮魚）食得出唔係雪藏魚。鱸魚外面好脆囗，內里鮮嫩多汁，好味😋另外，伴菜既蘑菇係驚艷式好味🤤多汁，好濃嘅蘑菇鮮味，好想encore🤩🍨Panna cotta 奶凍好滑，唔會太甜。加埋水果，令口感更加豐富，並且中和奶凍嘅「漏」，平衡得啱啱好👍🏻食完再想食，希望可以大杯啲😆係竼高氛圍嘅環境中沉澱心靈後，返公司繼續打拼💪🏻