i kitchen (Closed)

呢間觀塘工廈入面既餐廳，企企理理，坐得好舒服，食物都好得，超正呀！先黎一個龍蝦海鮮意大利粉，龍蝦好大隻😍係開邊嘅龍蝦，再加埋啲青口魷魚仔，全部海鮮都係新鮮，又彈牙又爽口🤓意大利粉呢就吸晒啲白酒，好入味好好食。然後再叫埋澳洲穀飼牛肉眼配松露燒汁，穀飼牛牛味突出，牛肉好大舊好厚身🤪肉眼位置牛肉好林，好易入口，肉質好好😝成塊牛煎得啱啱熟，再加埋松露燒汁，食到淡淡松露味，好香好好食。另外叫埋意大利泡沫咖啡同埋朱古力咖啡，兩杯咖啡都好香濃，意大利泡沫咖啡牛奶同咖啡混合得啱啱好，飲到咖啡嘅香醇，亦都帶出奶嘅鮮味，而朱古力咖啡都唔會太甜，好適中，味道岩岩好。