閩粵軒

Open Now

Now Closed

🔸茅台水晶肉🔸鹽焗花螺🔸禪衣帶子🔸瑪瑙松茸燉雪絨🔸生啫海星斑🔸大紅袍乳鴿🔸香酥法蔥燒雞🔸閩南甘香蝦🔸上湯豆苗🔸泉州特色滷麵🔸芋蓉燉鮮奶-閔粵軒係ICC 101樓嘅高級粵菜餐廳，呢次趁住屋企人生日特登book咗嚟試吓，真係每一道都好正！首先係茅台水晶肉，一上枱就噴上茅台，儀式感滿滿，酒香四溢。鹽焗花螺係另一道必點菜，花螺經過鹽焗處理，保持咗海鮮嘅鮮美，口感爽脆。禪衣帶子呢道菜好有創意，帶子鮮甜多汁，配上特製薄薄嘅禪衣同醬汁，味道層次豐富。瑪瑙松茸燉雪絨係一道湯品，湯底清甜，營養豐富。大紅袍乳鴿同香酥法蔥燒雞係經典燒味菜，乳鴿皮脆肉嫩，燒雞外酥內嫩，香味四溢。閩南甘香蝦用閩南風味烹調，蝦肉鮮甜，香氣撲鼻。上湯豆苗係清淡嘅蔬菜，豆苗鮮嫩，湯底清甜。而泉州特色滷麵係用泉州風味製作，配料有多種海鮮，滷汁濃郁。最後嘅芋蓉燉鮮奶甜品，芋蓉細膩，鮮奶香甜，為今餐畫上完美句號。