Video
Read full review
2020-06-15
169 views
天氣炎熱，但因為疫情關係冇得番鄉下日本，唯有帶老婆去食omakase。 我地去左觀塘既菊月町，地方清靜，裝潢富有日本風。我地叫左兩個焰月套餐 (HKD980 per set)。第一道茶係先付:紫薯木魚豆腐昆布。賣相好靚，有金箔伴碟，而豆腐係口感極滑，柴薯就非常清新同略帶甜咪。係個非常好既開胃菜。跟住黎既就係時令季節刺身五點：間八(青瓜醋)，池魚(兩食 : 厚切，他他)，目鯛，八爪魚盅同埋海膽。間八係高級魚之一，師傅用左青瓜醋黎整，魚既味道同口感係好清新，為之後既刺身打開味蕾衝擊既大門。池魚佢有兩食，個人覺得口感爽，食落去覺得脂肪既比例適當，一啲腥味都冇，而且有種回甘既感覺。目鯛係種白肉魚，食落去口感都係爽脆個類，味道唔錯。八爪魚盅賣相吸引，加埋粒魚春，成個構圖栩栩如生，整到好珍珠咁，味道比之前幾道刺身略較爽同味道相對濃一點。跟住到海膽(賣飛佛)，師傅將手板咁大塊既幾海膽放係我地手背上，因為如果用其他食具可能會影響個味道。個人覺得咁樣食法好新穎有趣而且長見識。海膽味道非常鮮甜，係我個人食咁多間omakese最好既之一。漬物就有白粟米。佢地係高纖低脂一族，只係較少玉米黃素而已，但對人體健康
我地叫左兩個焰月套餐 (HKD980 per set)。
第一道茶係先付:
紫薯木魚豆腐昆布。賣相好靚，有金箔伴碟，而豆腐係口感極滑，柴薯就非常清新同略帶甜咪。係個非常好既開胃菜。
跟住黎既就係時令季節刺身五點：間八(青瓜醋)，池魚(兩食 : 厚切，他他)，目鯛，八爪魚盅同埋海膽。間八係高級魚之一，師傅用左青瓜醋黎整，魚既味道同口感係好清新，為之後既刺身打開味蕾衝擊既大門。
池魚佢有兩食，個人覺得口感爽，食落去覺得脂肪既比例適當，一啲腥味都冇，而且有種回甘既感覺。
目鯛係種白肉魚，食落去口感都係爽脆個類，味道唔錯。
八爪魚盅賣相吸引，加埋粒魚春，成個構圖栩栩如生，整到好珍珠咁，味道比之前幾道刺身略較爽同味道相對濃一點。
跟住到海膽(賣飛佛)，師傅將手板咁大塊既幾海膽放係我地手背上，因為如果用其他食具可能會影響個味道。個人覺得咁樣食法好新穎有趣而且長見識。海膽味道非常鮮甜，係我個人食咁多間omakese最好既之一。
漬物就有白粟米。佢地係高纖低脂一族，只係較少玉米黃素而已，但對人體健康依然有正面既影響。個人覺得味道清甜，係好好既食材為我地漱一漱口，準備之後既鐵板燒。
鐵板燒二款有甘鯛同埋煙燻昆布鮑魚。。炸既甘鯛好似有著活靈活現既魚鱗，味道爽脆唔膩。魚肉清甜。
至於個鮑魚，真係要俾個大like，味道ichiban，好大隻，肉質鮮嫩，加埋用鮑魚肝整既配菜，冇得彈。
昆布魚湯味道清甜。
跟住黎既就係手握壽司五貫。有拖羅，木魚果凍鱸魚壽司，粒子，赤身同埋金目鯛。個人覺得拖羅口感嫩滑，味道唔錯。
至於個果凍壽司，覺得好得意，果凍加埋魚既配搭好特別，亦見師傅既細心巧手。
至於粒子，赤身同金目鯛，我覺得指拍得住日本師傅既手勢，賣相同味道水準不容置疑。
跟住黎既就係手卷拖羅蓉。我地道親眼睇住師傅用火槍將啲魚油逼哂出黎成就個手卷，真係眼睛舌頭都大滿足。
時令果物係靜岡蜜瓜。個蜜瓜多汁清甜真係食完都好唔捨得成個omakese😭
Post
