宜家家居餐廳及咖啡室

Open Now

Now Closed

行完IKEA，通常都只係會食番隻熱狗，但今日比較肚餓，所以就食返個late lunch，，咁行完IKEA就當然喺IKEA食喇，見IKEA餐廳人又唔多，坐得又舒服咁就買完食品，先至搵位置坐，嘩原來食品都有好多選擇，最終我就揀咗燒羊架，脆脆香腸，沙律同埋龍蝦湯，當然就要埋最正嘅咖啡啦，可以任斟任飲呀，一路攞住個盤裝住咁我食品，行埋去畀錢啦，奉勸大家記得攞車仔呀，畀完錢就搵位坐低之後就慢慢歎啦，羊架就係驚喜地，肉汁多又好味，真係不二之選，，個龍蝦湯都好，正個脆皮脆卜卜加埋啲湯一齊飲真係超正，脆腸就中規中矩啦啲沙律就細咗啲，咖啡就唔錯喎我總共都飲咗成四五杯呀真係唔錯，食完之後就記得自己將自己嘅垃圾清理和清潔檯面。見啲咖啡好好飲，就當然要擺多一件美式芝士蛋糕嚟到陪襯下啦，芝士蛋糕都好香濃呀，真係飲咖啡嘅絕配。最尾因為啲咖啡唔錯，我仲喺下面買咗兩包咖啡豆返屋企慢慢飲。