Video
Read full review
2018-08-29
2728 views
一直以來我都鍾情於西餐，尤其意大利菜每每見到有餐廳有意粉，闊麵，意大利雲吞等都會好想叫黎食，今次就經朋友介紹，黎左呢間餐廳餐廳名Trattoria 原來係喺意大利嘅一個地方由於我冇乜去過西營盤，都行錯左少少路，後尾先發現原來其實真係好近港鐵站，出黎轉左落斜路第一條街就已經係高街，好易搵其實講番正題，一入餐廳，咦？7：30有多都冇人嘅 (可能落雨，亦可能係一間細餐廳唔係好起眼)店內只有幾張枱，亦冇太多裝修，好簡約侍應只有一位，佢立即招呼我坐低後問我係咪第一次黎，我話係呀，朋友介紹，不過佢未到，咁佢就二話不說，好盡細咁介紹晒Menu內嘅菜式落order後侍應端上自家製多士，幾特別，唔似得一般餐廳用個籃載住，而係一個麻包袋咁，另附上橄欖油今次就叫左呢幾款菜式：首先 appetizer 有 beef tartare，係由意大利北部嘅牛肉空運到餐廳而整成 (好新鮮呢)侍應強調有別於一般餐廳食到嘅，個醬汁係會同個 beef tartare 分開，到端上枱後再落少少醋，我真係第一次食，初初仲驚生牛肉，有點驚驚地，但食落又幾好味，幾鮮嘅牛肉味然後叫左兩款 first course share唔想食咁多
每每見到有餐廳有意粉，闊麵，意大利雲吞等都會好想叫黎食，今次就經朋友介紹，黎左呢間餐廳
餐廳名Trattoria 原來係喺意大利嘅一個地方
由於我冇乜去過西營盤，都行錯左少少路，後尾先發現原來其實真係好近港鐵站，出黎轉左落斜路第一條街就已經係高街，好易搵其實
講番正題，一入餐廳，咦？7：30有多都冇人嘅 (可能落雨，亦可能係一間細餐廳唔係好起眼)
店內只有幾張枱，亦冇太多裝修，好簡約
侍應只有一位，佢立即招呼我坐低後問我係咪第一次黎，我話係呀，朋友介紹，不過佢未到，咁佢就二話不說，好盡細咁介紹晒Menu內嘅菜式
落order後侍應端上自家製多士，幾特別，唔似得一般餐廳用個籃載住，而係一個麻包袋咁，另附上橄欖油
今次就叫左呢幾款菜式：
首先 appetizer 有 beef tartare，係由意大利北部嘅牛肉空運到餐廳而整成 (好新鮮呢)
侍應強調有別於一般餐廳食到嘅，個醬汁係會同個 beef tartare 分開，到端上枱後再落少少醋，我真係第一次食，初初仲驚生牛肉，有點驚驚地，但食落又幾好味，幾鮮嘅牛肉味
58 views
1 likes
0 comments
然後叫左兩款 first course share
唔想食咁多肉，於是我就揀呢款trofie with pesto，佢係手造短麵，食落幾煙韌有咬口，配上香草及松子仁，唔會太 heavy
朋友就話上次食過今次會再重溫呢款potato gnocchi with four cheese sauce，侍應指出出面有 d 地方整嘅 gnocchi 會較煙韌，咁係因為落好多麵粉，少量嘅薯仔，而呢度就相反，8成係薯仔，2成麵粉，所以口感會唔同，我都幾鍾意 (其實有芝士就乜都岩)
53 views
0 likes
0 comments
第二個 course 係seabass，擺碟已經好靚，一食，嘩 ! 真係好味除左好鮮嘅魚味之外，配上橙皮檸檬，少少酸岩岩好
就連喺塊魚柳底嘅配菜 相信係青瓜粒 都好食，唔會好似有時 d 西餐，配菜食唔食都冇所謂，呢個唔同，直頭係想食晒
56 views
0 likes
0 comments
到最後，朋友問有冇甜品，侍應就指出有 panna cotta，tiramisu，同一款甜品係無花果外層有朱古力包住嘅，最後揀左 tiramisu
完全冇諗過，tiramisu 係可以咁樣，食落少少酸味，亦有點酒味，又唔會太甜，感覺好 fresh 配上頂層嘅朱古力碎，正 !
43 views
0 likes
0 comments
侍應到了最後問有冇興趣試下佢地嘅咖啡，係 decaf 嘅，但都已經10：00，始終驚飲完訓唔著，所以都係放棄了 (其實我好鍾意飲咖啡，真係要搵次 lunch 去試試補償番)
值得一讚嘅係，雖然得一個侍應，但佢嘅服務態度好好，既會為首次幫襯嘅食客詳細介紹菜式，又會喺食完後問下客人嘅評價
整體成個用膳過程感覺好warm，好有家嘅感覺 (其實侍應都話當喺屋企得 ga la)
不過今次未能拜會老闆娘，有點可惜，聞說老闆娘好nice，亦會出黎同食客傾談，希望下次有機會見到
Post
