陳儀興牛什粉麵茶餐廳

Open Now

Now Closed

第一次食呢間陳儀興，餐廳內嘅環境算係乾淨企理，餐檯闊落,侍應非常有禮貌，姐姐好好人，有介紹主打菜式，可能因為疫情關係，唔算太多人，主要是屋邨街坊。叫左個崩沙舉腩搭牛丸粗麵，麵無鹼水味，幾好味，崩沙腩夠晒腍同入味，腩汁都好夠濃郁，叫全香港最最好又不至於，但是，也要認真要一試！另外，仲叫咗個牛坑腩拼崩沙牛腩麵，加紫菜，牛坑腩有咬口，同好香，唔錯，感覺比崩沙更好食，紫菜都好有味，食到冇沙，幼麵就比較上重鹼水味啲，但可以接受，下次黎應該要試下河粉。小食方面，嗌左炸魚皮同埋腐乳通菜， 炸魚皮夠晒脆，味道偏鹹，可以一試，通菜就正常，腐乳係好食嗰隻。 辣椒油方法，是潮州式果隻，夠香而唔算太辣，落落碗麵同牛腩都好夾!飲品方面，只叫左一杯熱檸蜜，味道不錯，不會太甜，又無苦澀味。