Video
Read full review
2012-11-13
101 views
契爺宴客，特別選擇一間XO未去過o既餐廳，藉此製造機會比小弟品評一番，真係有心！嘩，仲要揀喺間五星級酒店o既西餐廳度食，契仔當然要帶齊架撐影相寫筆記啦，事關出哂名孤寒o既XO仔一定唔會捨得自己比錢去試。未開飯，所有客人都已經大讚酒店位置方便，主人家當然好高興啦。太太們喺金鐘太古廣場行完街可以搭「車立」直達萬豪酒店；喺九龍o既親友可以搭地鐡；有車o既友人亦可享有代客泊車服務。初初聽見餐廳個名“JW’s加州餐廳”仲以為係食漢堡包，薯條之類o既美國菜；去到見倒大廚Jordi師傅先知當晚原來係食佢家鄉o既西班牙菜，配合埋餐廳內又潮又有氣質o既室內設計，感覺可稱得上脫俗獨特。我地人多，餐廳安排左間房比我地坐，不過服務生並無因此而忽略我地個大party，且保持五星級應有o既服務態度，誠懇有禮之餘，亦樂於幫助及滿足客人之不同需求。當晚客人未到齊，即埋位前，主人家一早安排左份驚喜比大家，就係即場手切西班牙火腿Iberico Ham，好有睇頭架！（大家留意下相中師傅係帶住手套切火腿架，非常衛生！）有睇開小弟食評o既朋友可能會記得XO仔因為怕咸，所以唔係好食火腿。今次肯食原因有二：第一，係比面契爺；第二，
未開飯，所有客人都已經大讚酒店位置方便，主人家當然好高興啦。太太們喺金鐘太古廣場行完街可以搭「車立」直達萬豪酒店；喺九龍o既親友可以搭地鐡；有車o既友人亦可享有代客泊車服務。
初初聽見餐廳個名“JW’s加州餐廳”仲以為係食漢堡包，薯條之類o既美國菜；去到見倒大廚Jordi師傅先知當晚原來係食佢家鄉o既西班牙菜，配合埋餐廳內又潮又有氣質o既室內設計，感覺可稱得上脫俗獨特。
我地人多，餐廳安排左間房比我地坐，不過服務生並無因此而忽略我地個大party，且保持五星級應有o既服務態度，誠懇有禮之餘，亦樂於幫助及滿足客人之不同需求。當晚客人未到齊，即埋位前，主人家一早安排左份驚喜比大家，就係即場手切西班牙火腿Iberico Ham，好有睇頭架！
（大家留意下相中師傅係帶住手套切火腿架，非常衛生！）有睇開小弟食評o既朋友可能會記得XO仔因為怕咸，所以唔係好食火腿。今次肯食原因有二：第一，係比面契爺；第二，見大肥爸爸食完又食，估計味道應該唔錯。真心講句，小肥從未食過咁正o既火腿！可能係因為塊麵包同黃色醬汁o既關係，火腿入口一啲都唔咸，又唔乾，成個組合好香口，Happy Hour送酒一流！經小弟查証，原來黃色醬汁其實係蕃茄醬加橄欖油，唔怪得知食到大家咁開胃啦！
上文提到，我地晚餐主要係食Jordi師傅o既拿手西班牙菜式，所以契爺好周到地特訂餐單：
Roasted Zucchini w/ Fresh Forest Mushrooms, Melted Mozzarella Cheese：可能少食西餐啦，小肥都係第一次食依個zucchini加芝士加蘑菇o既配搭。雖然係食緊芝士，不過因為有zucchini同蘑菇去中和，所以食落一啲都唔溜，野味得黎好清新，讚！
Chef Jordi's Signature Crispy Suckling Pig：中式乳豬就食得多，見識少o既XO仔都係嗰日先知原來西班牙都出名食乳豬！仲要好有文化地用個熱鐡板上，真係另小弟印象深刻！Jordi師傅o既燒乳豬一啲都唔講得笑，皮脆肉嫩，腍身又夠香，而且完全冇蘇味，同我地中式煮法有得fight！雖然相睇好似好細舊，不過食完成塊都有少少滯。大家如果有興趣試，小肥建議大家可以兩個人叫一客黎分。
Lobster & Saffron Paella, Cuttlefish & Red King Prawn：食完個乳豬真係幾飽，因為好想食甜品，所以叫哥仔只係比半份paella我，留份另外嗰半份打包。依道paella好足料，所以整體非常鮮香入味，龍蝦做得好細膩，完全唔嚡唔老，個飯仲出色，事關師傅加左豬肉粒，曾添左一份爽脆口感。食前加上檸檬汁，清新得黎可以令到個飯冇咁溜，正！
Traditional Catalan Cream：雖然話係傳統Catalan忌廉甜品，不過食落就覺得同crème brûlée無異，都係面層有塊焦糖脆，底層為custard。入口第一個感想就係好甜，不過同埋啲偏酸o既生果一齊食結果好似中和左兩個味道，所以都唔錯。
Churros with Hot Chocolate：大肥爸爸好風趣，形容似款甜品為「鬼佬油炸鬼」，又幾貼切o既。Churros做得好爽脆，唔油又唔會太甜，美味可口！記得細個曾經去過美國一個遊樂場，佢地都有架零食車賣依啲Churros，不過美國嗰啲就長啲同瘦啲。多年後食返，個感覺有少少懷舊。
特製Irish Coffee：一見倒哥哥仔推架車仔入黎，小肥當然係立刻去探個究竟啦。原來佢係入黎調製Irish coffee比大家飲，以助消滯，仲話佢特製嗰杯除左whisky之外，仲會加入rum 同Cointreau，所以飲時會有陣甜橙味。
哥仔好細心地燒杯溶糖，據說此乃令忌廉浮面o既秘訣。
不勝酒力o既XO仔飲完杯味似雞尾酒咖啡o既三料Irish Coffee自覺有少少wing wing地，要回一回魂先夠膽開車返屋企。
總結，喺五星級酒店享用一頓傳統地道高質o既西班牙菜，可以話係食得舒適，且充滿驚喜。主人家契爺為晚宴費盡心思安排特備節目及餐單，盛設得嘆為觀止，小肥真係唔敢想像埋單要幾錢。Post
