Video
Read full review
2023-04-15
861 views
尖沙咀K11 Art Mall最近新開一間台灣菜餐廳，入邊裝修都幾靚😍坐位有幾間獨立包廂落咗窗簾仲可以自成一角方便傾偈💬，私隱度幾好！不得不讚呢到服務都好好👍🏻見我食到好論盡店員仲即刻比圍裙我🤣⋯⋯食物方面主打各樣台式料理，台灣夜市嘅鐵板蚵仔煎、刈包、香脆鹽酥雞、大腸麵線、滷肉飯等等都有啊！🔸甘梅粉地瓜條 $58香脆地瓜條配上酸酸開胃甘梅粉，必叫！🔸蚵仔煎配海山醬 $78呢到蚵仔煎口味都幾似係台灣食個隻味，QQ順滑嘅口感，表面食到焦香酥脆！而且蚵仔都幾大隻有鮮味🦪～🔸特製鹵肉酸菜刈包 $46鬆軟嘅麵包皮夾住經過滷製嘅半肥瘦豬肉同酸菜，入口肥而不膩，味道鹹香又帶點微甜！除咗經典口味仲有兩款；墨汁鹽酥雞刈包同軟殼蟹刈包，啱晒鍾意創新嘅你🤘🏻🔸肉鬆芋泥蛋餅 $72台式蛋餅餅皮都係自家製作🤲🏻，蛋餅皮非常透薄夠柔軟，內裏包滿咸香芝士、綿密芋泥、肉鬆同沙律醬，入口勁豐富每啖夠滿足！🔸麻辣紅燒牛肉麵 $98經過熬煮嘅牛肉湯底加上台式麻辣醬充滿台灣風味，湯底香濃帶麻辣香🌶️辣度絕不能忽視！用上台灣手工製麵條麵質彈牙有咬口，但記得趁熱食因為好快嗦曬啲湯🥵牛肉亦都充滿驚喜，厚身之餘夠軟腍～🔸招牌麻辣鴨血鍋
坐位有幾間獨立包廂落咗窗簾仲可以自成一角方便傾偈💬，私隱度幾好！不得不讚呢到服務都好好👍🏻見我食到好論盡店員仲即刻比圍裙我🤣⋯⋯
食物方面主打各樣台式料理，台灣夜市嘅鐵板蚵仔煎、刈包、香脆鹽酥雞、大腸麵線、滷肉飯等等都有啊！
🔸甘梅粉地瓜條 $58
香脆地瓜條配上酸酸開胃甘梅粉，必叫！
🔸蚵仔煎配海山醬 $78
呢到蚵仔煎口味都幾似係台灣食個隻味，QQ順滑嘅口感，表面食到焦香酥脆！而且蚵仔都幾大隻有鮮味🦪～
🔸特製鹵肉酸菜刈包 $46
鬆軟嘅麵包皮夾住經過滷製嘅半肥瘦豬肉同酸菜，入口肥而不膩，味道鹹香又帶點微甜！除咗經典口味仲有兩款；墨汁鹽酥雞刈包同軟殼蟹刈包，啱晒鍾意創新嘅你🤘🏻
🔸肉鬆芋泥蛋餅 $72
台式蛋餅餅皮都係自家製作🤲🏻，蛋餅皮非常透薄夠柔軟，內裏包滿咸香芝士、綿密芋泥、肉鬆同沙律醬，入口勁豐富每啖夠滿足！
🔸麻辣紅燒牛肉麵 $98
經過熬煮嘅牛肉湯底加上台式麻辣醬充滿台灣風味，湯底香濃帶麻辣香🌶️辣度絕不能忽視！用上台灣手工製麵條麵質彈牙有咬口，但記得趁熱食因為好快嗦曬啲湯🥵牛肉亦都充滿驚喜，厚身之餘夠軟腍～
🔸招牌麻辣鴨血鍋 $188
鴨血鍋一樣非常香濃惹味，用上台灣直送鴨血夠滑溜唔會死實實，鍋內仲有红燒牛肉，娃娃菜、金針菇、炸枝竹、凍豆腐，材料豐富又夠入味，重點喺份量十足！最欣賞喺用上熱鍋保持熱度食到尾仲熱辣辣🔥
🔸麻吉芋圓愛玉 $68
嫌未夠飽可以試埋呢到嘅手工甜品🍮，底部先有一大球芋泥再放上雲呢拿雪糕🌿，側邊仲有菠蘿、芋圓、地瓜圓、珍珠、紅豆同檸檬愛玉🍋加埋黑糖醬，邪惡得來好豐富呀！
🔸四季春芝士奶蓋 $42
🔸草莓沙冰芝士奶蓋 $46
食台灣野點少得一杯珍珠奶茶😎，除咗奶茶呢度選擇都幾多，有芝士奶蓋亦有清新嘅果茶～叫咗兩杯試試略嫌四季春茶香爭少少，但草莓沙冰就夠足料飲落仲有果肉❤
Post
