Ukiyo

Open Now

Now Closed

Ukiyo係位於K11 musea. 不嬲都好鍾意呢間cafe. 好鍾意呢度嘅設計風格。落地玻璃，光線好充足，好光猛。木系嘅設計，顏色好柔和。令到成個環境都好舒服今次叫咗三樣食物：⭐️ 慢煮雞胸紫菜窩夫漢堡配明太子蛋黃醬呢個漢堡係用窩夫代替麵包，入面有雞肉、蕃茄、生菜、芝士，配上軟熟嘅窩夫一齊食，好夾。⭐️ 自家製明太子蟹餅蟹餅煙靭彈牙，炸得香脆。⭐️ 海鹽焦糖比利時朱古力麻糬裔夫🧇好鍾意呢度嘅甜品，好大份，好靚又好味。一大片麻糬舖喺窩夫上面，麻糬好煙韌，同窩夫一齊食，好味。食完個甜品超滿足❤️呢度係手機落單，如果生日慶祝，甜品佢可以俾你喺手機度揀加埋生日牌同蠟燭。呢個服務好窩心。同朋友或者自己嚟呢度食個甜品，飲杯咖啡，係好寫意嘅一件事。