Video
Read full review
2024-03-14
45 views
到九龍城搵食，除咗印象中嘅泰國菜，日式料理都愈來愈多。「石一燒」主打日式岩石燒料理，位於新型大廈，門面都少少隱世，店舖唔大，裝修簡約溫馨，環境乾淨舒適。店員感覺都幾有活力，而且親切有禮貌，會為每個菜式細心介紹。食材高質由日本進口，餐廳主張慢活享受，我哋叫咗個二人餐慢慢燒，慢慢嘆。❁ 極上和牛盛會の2人前 $698⚆ 前菜 (三品)先上三款日本經典前菜，辛辣帶子裙邊、醃漬菜、涼拌青豆。⚆ 樱花蝦味噌湯 (2碗)真係勁多櫻花蝦滿晒成碗湯，味噌湯加上櫻花蝦嘅鮮甜味。大塊木板放有三款靚牛，擺盤吸引，全部厚切，目測有燒肉界號稱0.4cm嘅完美厚度，店員細心介紹燒肉嘅先後次序，隨即上埋個燒熱嘅石頭爐，燒緊紫洋蔥用作起爐好香，洋蔥係可以無限追加。⚆ 日本九州A4和牛前腿肉先燒A4和牛前腿肉，油脂似降霜紋理分佈，店員推介燒烤時直接灑上自家鹽會更有風味，唔好燒太耐，燒後入口柔軟，充滿牛油香。⚆ 澳洲和牛封門柳第二燒和牛封門柳，脂肪較少，牛肉味重有嚼勁，可以平衡返之前無咁油膩感，燒後可蘸上燒肉汁更惹味。⚆ 菇盛會燒肉途中可以燒吓菇，吸晒肉汁精華，清新中帶點燒烤香味。⚆ 日本九州A4和牛三角胸最後燒A4和牛
前菜
4 views
0 likes
0 comments
❁ 極上和牛盛會の2人前 $698⚆ 前菜 (三品)
先上三款日本經典前菜，辛辣帶子裙邊、醃漬菜、涼拌青豆。
0 views
0 likes
0 comments
⚆ 樱花蝦味噌湯 (2碗)真係勁多櫻花蝦滿晒成碗湯，味噌湯加上櫻花蝦嘅鮮甜味。
大塊木板放有三款靚牛，擺盤吸引，全部厚切，目測有燒肉界號稱0.4cm嘅完美厚度，店員細心介紹燒肉嘅先後次序，隨即上埋個燒熱嘅石頭爐，燒緊紫洋蔥用作起爐好香，洋蔥係可以無限追加。
日本九州A4和牛前腿肉
13 views
0 likes
0 comments
⚆ 日本九州A4和牛前腿肉先燒A4和牛前腿肉，油脂似降霜紋理分佈，店員推介燒烤時直接灑上自家鹽會更有風味，唔好燒太耐，燒後入口柔軟，充滿牛油香。
澳洲和牛封門柳
6 views
0 likes
0 comments
⚆ 澳洲和牛封門柳第二燒和牛封門柳，脂肪較少，牛肉味重有嚼勁，可以平衡返之前無咁油膩感，燒後可蘸上燒肉汁更惹味。
⚆ 菇盛會
燒肉途中可以燒吓菇，吸晒肉汁精華，清新中帶點燒烤香味。
日本九州A4和牛三角胸
0 views
0 likes
0 comments
最後燒A4和牛三角胸，油脂充沛，喺口腔中感到油香溶化，牛肉香味濃，鍾意呢個厚度好有口感，有少許嚼勁，愈咬愈香。
⚆ 沙律一大盤沙律菜配胡麻醬，食燒肉配沙律菜就最啱，可減肉膩感。
凍桂花烏龍、凍奶茶
7 views
0 likes
0 comments
套餐包括$18飲品2杯，凍桂花烏龍同凍奶茶。
⚆ 飯素二人餐已包括兩碗飯素拌飯，珍珠米加入紫菜配燒肉食特別開胃，亦可升級烏冬。
⚆ 稻庭烏冬 +$15由雞骨熬製嘅雞湯底，大廚就刻意安排味道較淡口，因為頭先食咗好多濃味嘅燒肉，稻庭烏冬滑溜彈牙。
我哋慢慢燒，慢慢享用完，店員清理好枱面，送上一壺熱茶自己斟，嘆返杯熱茶可以消滯解膩。
抹茶雪糕
5 views
0 likes
0 comments
⚆ 日式甜品 (2份)店員上咗成set好靚嘅用具，教客人DIY抹茶雪糕，抹茶醬可隨自己喜愛調節濃度，個人就鍾意好濃嘅茶味，水倒入抹茶粉裡，用刷搞勻至有少少起泡，再淋上雪糕，雲呢拿雪糕冰凍，有少少脆粒，配抹茶味超濃，有得食又有得玩，好有儀式感。
7秒啤酒大獎賞
2 views
0 likes
0 comments
每位客人都可以參加挑戰，有3款啤酒可以選擇：日本Orion白啤、黑啤、Sapporo，男仕7秒，女仕9秒飲晒一杯350ml啤酒，我哋挑戰成功，原本呢杯免費，仲另外送多一杯作獎賞，咁着數同刺激，飲得嘅朋友一定要挑戰一下。
#石一燒地址：九龍城啟德道55號AVA55地下6號舖
Post
