BLT Burger (Closed)

話說聖誕節當日，我同男朋友去左尖沙咀行街，我地都冇計劃當日嘅 lunch 食d咩。我地行海港城時，經過 BLT Burger，見到冇人排緊隊，加上我地都有一段時間冇黎食，就決定食呢間餐廳。我地好快就可以入座，而侍應都好快 serve 我地。我地睇左陣 menu，都決定叫返我地平時食開嘅 BLT Combo 加黑椒蘑菇漢堡。呢間餐廳嘅 food portion 都好大份，所以我地只係叫左一個 Burger set 同一個 burger。佢地嘅價錢都有少少貴，但食物份量同味道都唔差，所以我都覺得價錢算係合理。我同男朋友 share 左一人一半burger，但由於我本身唔鐘意食 bacon，所以我比左 BLT burger 入面塊 bacon 佢，所以個 BLT burger 就唔評論喇！至於我叫嘅黑椒蘑菇 burger，塊扒煎得好好，好 juicy，個包好軟熟，配上黑椒汁加大蘑菇，令我好享受食嘅過程另外，每個 burger 都會配條酸瓜，可以中和食 burger 嘅油膩感，直得一讚。