Video
Read full review
2019-12-10
2735 views
納入狠狠懲罰系列原因 - FB文宣、響應罷工、開放休息星期日行街之前最緊要醫飽個肚先有力行落去，要食就緊係食良心小店，呢間老闆一早已經表態支持絕對食得過，而且睇左好多評價都話食物好高質。樓上小店真係唔係好大唔係得好多位，黃小店都有既連儂牆，有啲畫左公仔真係超得意超有意義，仲有一啲位係對窗可以享受下日光食野。《慢煮雞胸配蒜香忌廉扁意粉》($78）：好多香港人都好怕食雞胸，好驚會整到又乾又韌，餐廳用左慢煮方法令到個雞胸唔柴又嫩，意粉加上蒜香真係無死錯人既配搭，仲有一啲菇菌夠健康。《慢煮安格斯腹肉牛扒三文治》($118）：呢度最出名最主打既慢煮牛扒，差唔多每枱都會叫，三文治就係周末先會有，牛扒切開一粒粒入面果陣嫩紅真係睇見都吸引，牛味香濃慢煮方法好嫩身，最正係加上超脆麵包同焦糖洋蔥。Flat White (跟餐$19）：黎得咖啡小店緊係要飲咖啡，叫左我最鍾意飲既Flat White，奶香幾重飲落咖啡順滑。店名：咖啡熱地址：銅鑼灣富明街2-6號寶明大廈3樓C室餐牌
納入狠狠懲罰系列原因 - FB文宣、響應罷工、開放休息
星期日行街之前最緊要醫飽個肚先有力行落去，要食就緊係食良心小店，呢間老闆一早已經表態支持絕對食得過，而且睇左好多評價都話食物好高質。
樓上小店真係唔係好大唔係得好多位，黃小店都有既連儂牆，有啲畫左公仔真係超得意超有意義，仲有一啲位係對窗可以享受下日光食野。
《慢煮雞胸配蒜香忌廉扁意粉》($78）：好多香港人都好怕食雞胸，好驚會整到又乾又韌，餐廳用左慢煮方法令到個雞胸唔柴又嫩，意粉加上蒜香真係無死錯人既配搭，仲有一啲菇菌夠健康。
《慢煮安格斯腹肉牛扒三文治》($118）：呢度最出名最主打既慢煮牛扒，差唔多每枱都會叫，三文治就係周末先會有，牛扒切開一粒粒入面果陣嫩紅真係睇見都吸引，牛味香濃慢煮方法好嫩身，最正係加上超脆麵包同焦糖洋蔥。
Flat White (跟餐$19）：黎得咖啡小店緊係要飲咖啡，叫左我最鍾意飲既Flat White，奶香幾重飲落咖啡順滑。
店名：咖啡熱
地址：銅鑼灣富明街2-6號寶明大廈3樓C室
餐牌
Post
