Video
Read full review
2022-08-15
170 views
去過帝京N咁多次，都唔知道酒店原來有間日本餐廳，據聞仲要已經開左大半年，枉我仲話自己係為食友。一知道呢個消息，即刻約齊人馬，大擦番餐。費事傷腦筋，就吃佢既會席料理好了，唔夠再加。一開波的御造三點，有兩款刺身，同埋磯煮鮑魚。刺身分別係沖繩的魷魚，與及海老，前者鮮滑中帶點點咬口，我好中意呢個質感。海老以昆布漬過，吃起來更加爽口鮮甜。磯煮鮑魚也自然軟腍入味。接著來的夏日之盛合，充滿仙氣。左手邊既係象拔蚌，清脆爽甜。中間的是北海道毛蟹，面頭有些少金泊作點綴。已剥殼兼且處理好的蟹肉，啖啖鮮美，成功討我歡心。右手邊的海膽，係來自北海道。入口溶化，味道甘甜濃郁是必然，呢個咁樣既賣相，相信很多人會喜歡。跟住有時令串燒，雞肉燒至香口，但肉質仍保持嫩滑，青椒的味道不是人人喜愛，但我就完全可以接受。主食有魚及和牛揀，作為食肉獸既我，肯定會吃和牛吧！A4薩摩牛，火侯拿捏得宜，入口鬆化是理所當然。最驚喜係以蘋果木煙燻過，那陣香氣令成件事吸引力提升十倍。旁邊的蓮藕脆片真的脆得像在吃薯片甜，絕不是配角。也試了少少朋友的鲷魚。立麟燒做法，相信大家都唔會陌生，魚皮香脆，肉質嫩滑。後面的，一大舊東西，查實係昆布包括著不同
去過帝京N咁多次，都唔知道酒店原來有間日本餐廳，據聞仲要已經開左大半年，枉我仲話自己係為食友。一知道呢個消息，即刻約齊人馬，大擦番餐。
費事傷腦筋，就吃佢既會席料理好了，唔夠再加。
一開波的御造三點，有兩款刺身，同埋磯煮鮑魚。刺身分別係沖繩的魷魚，與及海老，前者鮮滑中帶點點咬口，我好中意呢個質感。海老以昆布漬過，吃起來更加爽口鮮甜。磯煮鮑魚也自然軟腍入味。
接著來的夏日之盛合，充滿仙氣。左手邊既係象拔蚌，清脆爽甜。中間的是北海道毛蟹，面頭有些少金泊作點綴。已剥殼兼且處理好的蟹肉，啖啖鮮美，成功討我歡心。
右手邊的海膽，係來自北海道。入口溶化，味道甘甜濃郁是必然，呢個咁樣既賣相，相信很多人會喜歡。
跟住有時令串燒，雞肉燒至香口，但肉質仍保持嫩滑，青椒的味道不是人人喜愛，但我就完全可以接受。
主食有魚及和牛揀，作為食肉獸既我，肯定會吃和牛吧！A4薩摩牛，火侯拿捏得宜，入口鬆化是理所當然。最驚喜係以蘋果木煙燻過，那陣香氣令成件事吸引力提升十倍。旁邊的蓮藕脆片真的脆得像在吃薯片甜，絕不是配角。
也試了少少朋友的鲷魚。立麟燒做法，相信大家都唔會陌生，魚皮香脆，肉質嫩滑。後面的，一大舊東西，查實係昆布包括著不同的菜蔬，拿去清蒸。這個做法，保留菜蔬既原味，吃得健康。
飲埋個以舞茸、海老，同埋鲷魚肴成的湯，已經十成飽。
不過之後，係有角切刺身丼，好在佢份量唔太大，材料又新鮮，食下食下又可以清晒。
呢個時候，席上竟然有人話想試壽喜燒，都係每人一片牛啫咁！作為食肉獸既我，唯有捨命陪君子。
薄薄的一大片，入口溶化，帶微甜，好食！
最後的甜品也有夠體面，叫夏日之禮盒，青提子啫喱清新。豆腐細滑，跟十勝紅豆也從來匹配。刀根柿爽甜多汁，而水信玄餅，單是打卡都值回票價。同呢間日本料理，有種相逢恨晚的感覺。
Post
