Video
Read full review
2022-02-08
219 views
💎總評分：9.5/10-小編好少嚟觀塘，今次又係嚟洗完車之後想食台灣野，就揾到呢間由幾位90後主理、主打台式飯同蛋餅嘅人氣小店🇹🇼，標榜天然、健康、好味，堅持無味精、無鬆肉粉💚。室內環境以純白色調為主，配淺色木枱凳，牆上貼上可愛嘅台式圖案😗，店員係幾位好親切嘅姨姨，仲不限用餐時間任用WI-FI🌐，俾人一種好cute好warm嘅感覺。1️⃣ 香蔥紫菜魯肉飯 $60Menu嘅飯類主要分為魯肉、排骨、牛肉、便當4大類🍱，款款賣相都好吸引，望落超足料。最後㨂左最俱代表性嘅魯肉飯🌟，魯肉肥瘦適中，好入味，加紫菜呢個配搭好特別，而且份量大方，舖滿一層，撈埋魯肉成功增添味道層次感👍🏻。2️⃣ 拉絲芝士火腿蛋餅 $48；手作芋泥肉鬆蛋餅 $48小店嘅蛋餅係signature，食落果然與眾不同✨。外皮似係加厚左嘅春卷皮，比一般蛋餅薄，而且口感煙韌。芝士火腿成功做到拉絲效果🧀，加埋千島醬味道一流。芋泥肉鬆呢個配搭第一次食，芋泥打得香滑配肉鬆🍠，一鹹一甜又幾好食喎！3️⃣ 秘製厚切排骨 $38超高水準嘅炸排骨♥️，同樣即叫即炸，嚟到時香噴噴，望落己經好吸引🤤。炸粉唔厚仲要炸得好酥脆，而且面頭茶左層蜜糖每啖都食到蜜香味🍯，
-
小編好少嚟觀塘，今次又係嚟洗完車之後想食台灣野，就揾到呢間由幾位90後主理、主打台式飯同蛋餅嘅人氣小店🇹🇼，標榜天然、健康、好味，堅持無味精、無鬆肉粉💚。室內環境以純白色調為主，配淺色木枱凳，牆上貼上可愛嘅台式圖案😗，店員係幾位好親切嘅姨姨，仲不限用餐時間任用WI-FI🌐，俾人一種好cute好warm嘅感覺。
1️⃣ 香蔥紫菜魯肉飯 $60
Menu嘅飯類主要分為魯肉、排骨、牛肉、便當4大類🍱，款款賣相都好吸引，望落超足料。最後㨂左最俱代表性嘅魯肉飯🌟，魯肉肥瘦適中，好入味，加紫菜呢個配搭好特別，而且份量大方，舖滿一層，撈埋魯肉成功增添味道層次感👍🏻。
香蔥紫菜魯肉飯
$60
1 views
0 likes
0 comments
香蔥紫菜魯肉飯
$60
3 views
0 likes
0 comments
2️⃣ 拉絲芝士火腿蛋餅 $48；手作芋泥肉鬆蛋餅 $48
小店嘅蛋餅係signature，食落果然與眾不同✨。外皮似係加厚左嘅春卷皮，比一般蛋餅薄，而且口感煙韌。芝士火腿成功做到拉絲效果🧀，加埋千島醬味道一流。芋泥肉鬆呢個配搭第一次食，芋泥打得香滑配肉鬆🍠，一鹹一甜又幾好食喎！
蛋餅
$48
11 views
0 likes
0 comments
3️⃣ 秘製厚切排骨 $38
超高水準嘅炸排骨♥️，同樣即叫即炸，嚟到時香噴噴，望落己經好吸引🤤。炸粉唔厚仲要炸得好酥脆，而且面頭茶左層蜜糖每啖都食到蜜香味🍯，唔知點解肉質偏瘦但係又唔會乾淨淨喎，仲要鬆化無雪味，簡直無可挑剔💯。
秘製厚切排骨
$38
3 views
0 likes
0 comments
4️⃣台北夜市小食拼盤 $36
Menu好多小食選擇，若然想試多D野可以叫拼盤，酥炸花枝丸大粒彈牙，台灣香腸惹味、鹽酥雞熱辣辣夠酥脆👍🏻，雖然全部係係煎炸野，但係無好油淋淋👏🏻，用椒鹽調味，抵食價錢一次過淺嚐三款小食🤑！
5️⃣ 蘇子手撕雞 $25 （單份）
雞肉首先用鹽焗方法煮熟，所以己經好入味，鐘意D雞唔係手撕得好碎，仲可以食到嫩滑嘅口感🐓，簡單嘅調味食落清新開胃，無辣油麻油唔會好油膩，特別之處係加咗藜麥，比芝麻更健康💚，墊底嘅青瓜絲都唔好放過🥒，味道一流嘅涼菜。
6️⃣ 和風牛肉汁風琴豆腐 $12
好奇什麼是風琴豆腐，原來真係一大塊切到風琴咁款🙈。索晒和風牛肉汁D味道，鹹甜balance得剛好，不過小編就覺得有D油膩。
和風牛肉汁風琴豆腐
$12
8 views
0 likes
0 comments
7️⃣ 雙檸冬瓜茶 $17；手作芋頭鮮奶 $24
飲品以家做緊半價，無藉口唔叫啦🤣！極力推介芋頭鮮奶，本來咁肥嘅野小編係唔會叫，不過俾佢粉紫嘅賣相吸引住，一試之下有驚喜🥰！芋頭泥打得軟滑，香芋溝奶嘅味道好match💯，而且甜道適中，不過比較heavy會頂胃。想要refreshing D嘅可以㨂冬瓜茶🍹，欣賞小店可以㨂少甜，因為好多地方冬瓜茶係fix左甜度，加埋檸檬味成件事清新解渴🍋。
雙檸冬瓜茶 /手作芋頭鮮奶
11 views
0 likes
0 comments
Menu野食吸引高質，唔收加一服務費，店員仲要好nice💁🏻♀️，係間有人情味嘅餐廳，用餐體驗100分。而家外賣自取&下午2:30後仲有9折優惠💰，喺附近反工揾地方lunch，或者晚市禁堂食叫takeaway，小店都係個好選擇👍🏻！
-
環境服務：⭐⭐⭐⭐⭐
食物質數：⭐⭐⭐⭐⭐
打卡指數：⭐⭐⭐⭐
Other Info. :
🚗 聽聞呢帶成日抄牌，但係條街一樣泊到滿。見今日毛毛雨，又俾小編揾到個街位喺正商場門口，平安無事嘅情況底下就好方便。
(The above review is the personal opinion of a user which does not represent OpenRice's point of view.)
Post
