Video
Read full review
2011-06-04
22 views
星期五又係我地一班老友四出搵食既黃金時間，朋友A係銅鑼灣返工，有一日返工係地鐵收到張傳單，係介紹一間歐陸式餐廳，見d環境同食物相幾吸引，就建議我地今個星期五去試下。可能我地預早訂檯啦，LaBon為我地安排在係VIP房，我地一行五人就可以係房間暢所欲言。大家飲下酒傾下計，十五分鐘到，第一道前菜就送到，係La Bon salad 同凱撒沙律。Labon沙律既煙三文魚很肥美，微酸的味道令胃口大增；而凱撒沙律份量勁足，淨係兩個沙律都夠五個人share。朋友A鐘意食牛肉，佢就點左個牛肉他他，而我同朋友K就點左兩份鵝肝，同朋友V朋友R分享。朋友A話個牛肉他他好好味，而我地個鵝肝都做到外脆內juice呀，佢地用左pineapple做伴碟，個人就鐘意蘋果多d羅。主菜我地就叫左羊架，黑毛豬同鱸魚，朋友K就好鐘意個魚，話個皮夠脆d肉又煮得剛好，好羊既我就覺得個羊可以再生d就更加好；至於個黑毛豬我就好滿意，因為唔係一般既豬扒甘，對於我呢d戒牛既人黎講係一個不錯既選擇！我地仲叫左個忌廉汁野菌意粉，個忌廉汁夠濃，野菌又新鮮，又一個不錯的選擇。朋友A同我都好鐘意食甜品，我地梗唔放過啦。我地就叫左兩個唔同既的甜品黎
星期五又係我地一班老友四出搵食既黃金時間，朋友A係銅鑼灣返工，有一日返工係地鐵收到張傳單，係介紹一間歐陸式餐廳，見d環境同食物相幾吸引，就建議我地今個星期五去試下。
可能我地預早訂檯啦，LaBon為我地安排在係VIP房，我地一行五人就可以係房間暢所欲言。
大家飲下酒傾下計，十五分鐘到，第一道前菜就送到，係La Bon salad 同凱撒沙律。Labon沙律既煙三文魚很肥美，微酸的味道令胃口大增；而凱撒沙律份量勁足，淨係兩個沙律都夠五個人share。
朋友A鐘意食牛肉，佢就點左個牛肉他他，而我同朋友K就點左兩份鵝肝，同朋友V朋友R分享。朋友A話個牛肉他他好好味，而我地個鵝肝都做到外脆內juice呀，佢地用左pineapple做伴碟，個人就鐘意蘋果多d羅。
主菜我地就叫左羊架，黑毛豬同鱸魚，朋友K就好鐘意個魚，話個皮夠脆d肉又煮得剛好，好羊既我就覺得個羊可以再生d就更加好；至於個黑毛豬我就好滿意，因為唔係一般既豬扒甘，對於我呢d戒牛既人黎講係一個不錯既選擇！
我地仲叫左個忌廉汁野菌意粉，個忌廉汁夠濃，野菌又新鮮，又一個不錯的選擇。朋友A同我都好鐘意食甜品，我地梗唔放過啦。我地就叫左兩個唔同既的甜品黎試下。朋友A點左個焦糖燉蛋，佢覺得個燉蛋略嫌不夠蛋味，而我order既心太軟就比想像中更有水準，我同V都好怕d太甜既甜品，而呢個心太軟就做到岩岩好，朋友V仲勁讚d士多啤梨好好味，無用糖水浸過，夠新鮮。
埋單平均每人三百幾蚊，大家都食到飽飽。今晚我地都好盡興，搵到一間好味又舒適既餐廳，下次搵食又多個選擇啦！
Post
