Lab Made 分子雪糕專門店 (Closed)

每一次經過呢一間雪糕店都好想去試一試，咁大個人都未試過「分子料理」，今次終於的起心肝去試下。呢間店既裝修都幾mordern同簡潔，但只sell 4隻味既雪糕，有雪沙湯圓、薄荷朱古力脆脆、紅桑子牛油酥餅同香桃乳酪。係買之前可以試食，我只係試左普通既味，薄荷朱古力脆脆同香桃乳酪，保險D，雖然香桃乳酪好香新鮮桃味，甜得黎帶少少酸，可惜對我黎講乳酪味偏重（如果係好奶類制品的話，呢個會係一個不錯既選擇），所以最黎買左薄荷朱古力脆脆。佢呢間掛住分子雪糕既原因係因為用液態氮將雪糕漿急速冷卻，所以係食既時間，因為D脆脆絕對唔會因為雪糕漿係液體，而lum晒，一路食一路都會有得咬下咬下咁，薄荷味亦都好濃郁，加試朱古力味選用偏苦既朱古力，所以成個雪糕食起試黎一D都唔會''漏''！所以呢間野真係值得推薦，同我下次應該都會挑戰一下其他特別既味道！