UCC Coffee Shop (Closed)

開完會成九點鐘，大家都攰到一個點，求其係附近搵間野食完算🤧意粉，飯既價錢around $7x-10x，正正常常，唔算特別貴。如果有住户證仲有平添海鮮湯意粉$101有茄汁、白汁、咖哩汁揀，我都係揀我鍾情既茄汁❤️一上碟，嘩，比我想像中大兜。而且無諗過係甘多湯👍🏻 蕃茄味濃，海鮮份量都唔少，有魷魚🦑，蝦，帶子，青口，蜆，大部份都有2-3隻。不過部份海鮮就老左啲，特別係魷魚同青口Menu上仲有幾款waffle，睇相十分吸引。不過實在太飽，無位置食，唯有下次再戰🙈整體黎講，食物就不過不失啦。不過服務就真係好好，值得讚👍🏻👍🏻