一泡而紅 (Closed)

乘去銀行之便,食個平價下午茶當late lunch,的確慳番唔少!!下午茶時間當然無午飯時間墟陷,可以搵個自閉位坐坐。白菜豬肉餃子五隻,新鮮煮起都幾好樣,餃子包到成隻蝦餃一樣,size唔算太大,分兩啖剛剛好。餃子皮尚算薄身,肉餡顏色同味道都淡淡,瘦肉份量比較多加上椰菜碎,肉餡尚算ok;配上酸酸黑醋黎食就無咁漏。凍奶茶茶味幾ok,都算飲得過!但太多冰喇,基本上可飲既茶只有好少,呢樣似乎有待改善。每逢二點零鐘午市過後,就見幾位阿姐排排坐包餃子,望住佢地好快包一隻,真係幾好睇。