一泡而紅 (Closed)

踏入「一泡而紅泡飯專家」，落座後我嘅第一選擇係柱侯牛腩泡飯🍚。啱啱上枱，湯氣騰騰嘅牛腩盡展眼前，每一啖都感覺到牛肉嘅鮮美同柱侯醬嘅醇厚。牛腩慢火炆到軟綿綿，入口即化，但又唔會爛到失去咬勁，真係幾得意嘅口感。我再搭配杯凍檸檬利賓納，清新檸檬味同微甜泡飯湯頭完美對碰，爽口得黎，好夾又解膩😌。雖然牛腩泡飯真係主角無誤，不過其實價性比很高。治下肚之後，個人覺得相當滿足！泡飯嘅米飯係另一大亮點，粒粒分明、濕潤透亮，攞個湯匙攪一攪，每一粒飯都好似訴說緊質量同功夫。又或者可以話，這家食品之所以教人一試愛上，部分原因就在於這米飯嘅細膩跟湯底嘅匹配。總括來講，這次嘅體驗係一次俾人驚喜嘅飲食之旅。好食嘅牛腩、彈牙米飯加上格調高嘅凍飲，食力十足，落「一泡而紅泡飯專家」，唔妨試下！😊👍🏻

平時起葵廣都係掃街多，不過見朋友話想坐低食野，試左呢間～見佢都好多泡飯同麵，反而對呢d 興趣不大～於是我就揀左餃子類。。雖然小店，但見佢d 餃子都唔算平。。但見佢個椰菜餃都幾好味😀😀反而麵同飯類就唔清楚🤣🙈.椰菜湯餃12隻 $55好味度：⭐️⭐️⭐️個底係牙菜同生菜，個人覺得佢ge 椰菜餃都唔錯～.酸菜辣肉醬湯麵🍜$48好味度：⭐️⭐️⭐️朋友揀的湯麵，轉左做上海麵底，見佢話ok,不過我無試呢個。。所以唔清楚🙈🙈.先order 落單，付款再食野～ 見個ar 姐都nice ge😀👍🏻

相信葵廣多美食就係人都知！每次都行過見到呢間「一泡而紅」但就會直接上最頂層，而今次就決定試吓佢嘅泡飯。見到餐牌價錢都唔算貴。酸菜麻辣雞泡飯 $48湯味較濃，辣到麻麻，而且多飯少湯，不過雞肉都滑嘅濟州黑豚腩肉拉麵 $52湯底夠清，但拉麵過林，而且黑豚腩肉好韌，無肉味，反而配菜豆卜仲好味上湯雙拼韭菜餃/ +椰菜餃 5隻 $35反而餃子出色！皮唔算薄，但餡料都尚可。湯入面仲有生菜同芽菜

當日同朋友食，見舖頭牆上貼咗一張大海報推介黑毛豬扒飯，張相好吸引，有咖喱或黑椒汁選擇，我就選擇咗喱汁！眼見隔籬枱食完離開又有新客進食緊，但我哋一樣嘢食都未到！好肚餓終於等到喇，個伙記擺我碟黑毛豬扒飯上枱，我同兩個朋友表情都一樣，一齊話啲豬扒碎上同好少！拼埋一齊都唔覺有一塊豬扒！朋友仲話分佢啲泡飯俾我食！啲碎豬扒‘乾爭爭’，味道係普通豬扒飯仲好食過佢！諗住用咖喱汁撈乾爭爭嘅豬扒同啲白飯，）但咖喱汁實在太少，食到三份一已經冇哂，問夥計想要多少少汁，點知短髮嬸伙記話冇晒咖喱汁（當時係晚上7:15）真係當我白痴，唔想比竟然講大話！我話咁早冇晒咖喱汁？佢話係！敷衍我話用黑椒汁囉，我話好呀！佢話黑椒汁要煮喎！我話好呀，煮丫，跟住叫我用豉油（枱亦冇豉油）亦冇理過我！！因為肚餓，唯有乾啃食埋佢囉！！咖喱汁少 比多兩匙都唔肯！呢間‘一炮而紅’真巴閉！難食！份量好少！態度惡劣！唔通個短髮阿嬸係老闆！咁樣做生意！唔好再入去俾人搵笨🤬🤬🤬🤬🤬🤬🤬🤬🤬🤬

叫左個酸菜辣雞米線同蕃茄薯仔豚肉泡飯 個酸菜辣雞米線咸到極點 咸到掩蓋左個辣味都係第一次見 雞肉既份量係幾多下，但真係又硬又乾，勁難食 而且米線淋到整碎晒，一夾就碎另外個蕃茄薯仔豚肉泡飯， 本身都鐘意飲湯，特別係茄湯，呢次試都係因為咁岩見到好似好多湯飯選，點知就中伏。 首先講個湯，一飲酸到極點，係酸到會那埋條眉個隻酸，d洋蔥多到唔想數，保守估計最少有1/4個洋蔥，個幾舊蕃茄又係勁酸，食完已經酸到成個口都係陣酸味。薯仔唔講啦，相比其他部份我已經覺得好好 最後豚肉部份 係ok厚 同都唔少既 但真係好嚡 惟一有樣野好就係 雖然睇落去份量唔似好多，但食完係夠飽 結論就係如果對味道無要求，只係要求飽就夠既可以試下如果對佢既期望係好食既話就千奇唔好試 加埋飲野一個餐60幾蚊唔貴但附近絕對大把高質既選擇 呢間野真係再平都唔食

韭菜餃五隻$30呢度出名係餃子🥟、叫左一碟蒸嘅，餃子皮比較厚，好多肥肉，菜比較少。椒鹽雞中翼拉麵$50雞翼上枱係熱辣辣、灑上椒鹽，外脆內軟。酸菜辣肉醬米線$48 「不推介」成碗麵都係油🥴,$48一碗肉碎麵真的不便宜。吉列豬扒$40豬扒炸得鬆化，但比較薄身推介指數：⭐️⭐️/5一泡而紅📍葵芳葵富路7號葵涌廣場2樓C38-39A號舖#foodie #hkfoodie #美食 #美食blogger #美食探店 #人生活得精彩 #生存就是食 #香港 #美食分享 #我的美食日記 #周圍搵食#hkig #相機食先

叫個外賣都可以咁攪笑既經歷，放假唔舒服諗住抖下唔出街係屋企叫外賣，想食下湯飯諗起葵涌廣場呢間一泡而紅，叫外賣有攪笑野，打去已經問你幾個餐？我話一個，但可以過你既外賣指定金額，我都諗住叫多幾樣小食，點知佢就話同一棟葵涌廣場，葵涌廣場一座，二座會送，三座太遠唔識送唔識路！吓！算啦，咁咪教埋你知係地鐵對面就係第三座，你間鋪應該最近係第第三座，你都可以話太遠唔識去！？咁究竟係你識路嫌太遠？定唔識路唔想做外賣？服務態度真係好到呢！不如直接話唔做外賣只做堂食就咩事沒，都唔會咁嬲，真係再好食都唔會再幫襯。

係葵涌廣場有間都幾出名 食湯飯嘅餐廳 叫一泡而紅🤣間餐廳名幾特別 令人印象深刻🤫泡飯嘅價錢都係 $4x-$50碗加埋杯凍飲都只係$5x 所以都算幾平😛香菇辣雞泡飯🐔份量比我想像中嘅多😂 所以食完都好飽😜材料都幾多 有辣雞 香菇 豆卜 同少少菜🤩辣雞黎講 都真係有少少辣🥵 但味道都算唔錯☺️湯底清清地 但連埋飯一齊食 其實比辣雞啲汁蓋過晒 成碗野主要嘅味就係啲辣雞嘅汁😂凍奶茶🥤茶底吾夠濃 普普通通咁😬總括黎講 一泡而紅嘅泡飯算係平又夠飽之選😉

對於無飯家庭既我，自從晚市禁堂食之後，成日要諗食咩，今晚諗住試吓一泡而紅，點知有驚喜。 椒鹽雞中翼，即叫即炸，外賣拎到返屋企都仲係脆卜卜。鮮蠔仔肉醬湯飯，蠔仔份量夠多，又夠新鮮。不過招牌擔擔麵味道反而比較普通，同埋偏咸。

葵芳葵富路葵涌廣場2樓地鐡站EXIT D下了一場雨，天氣變得有點寒冷，涼浸浸，所以去左食位於葵芳葵涌廣場「一炮而紅」的餐廳點了泡飯，就最適合不過了，食完暖笠笠😆餐店地方環境比較小，人多時候會有擠迫感，服務很好，之前都有食過黎間好多次，很喜歡這間小店的水餃和餃子，基本之前都是點這個的，所以都極力推介架！酸菜辣雞泡飯味道很好，雞肉很新鮮入味，酸菜較酸一點點，感覺餐具的匙子可以細小小，感覺有點不太方便！凍檸茶的茶味都挺好，甜味都剛剛好！但整體感覺很好！

諗住試返中學食開豬扒泡飯點知啲肉薄過張紙，又要等半粒鐘先有仲要啲豬扒係紅色 叫人點食呀咁耐無食諗唔到差左咁多，真係下次好差差差差差差差差希望大家見到唔好中伏PS 收銀阿伯服務唔錯但野食咁差…

係香港如果要搵一個點最似台灣夜市既，我一定會揀葵廣！食玩買逛完全聚集係一個商場入面，每一次黎都有好爽既感覺食店又多又似但係胃就得一個，唯有等勞蘇食幫手走馬看花一下！(頭盔：食量有限，每間試既款式唔好，盡做)一泡而紅x鄧媽媽餃子，係葵廣掃街以外可以坐低食既其中一間店，舖面都幾韓，新淨而都舒服既店面購票然後會送黎俾你，店員服務態度都唔錯餐牌以泡飯、米線同鄧媽媽餃子為主，唔算好多選擇，不過都好既唔使食咁飽可以繼續係廣場內拼濟洲黑豚腩肉米線，賣相都ok，試下米線，較為腍身，個人黎講幾中意湯奶白色聲稱係豬筒骨湯，幾濃味而唔味精既夾米線都算幾好味，腩肉厚身，但我係食唔出濟唔濟洲同黑唔黑豚既，正正常常無特別咁辣豆卜令碗米線有bb辣，都唔錯烚椰菜鮮肉餃拼韮菜鮮肉餃，先食椰菜，皮唔算厚，有肉汁，味道幾唔錯，入口成隻餡連皮都滑試埋韮菜，更多汁，韮菜明顯香同埋同肉更夾，味道正食到韮菜既都建議食韮菜一泡而紅奶茶，凍奶茶試唔晒真功夫但天氣實在太熱，茶味濃既，同奶亦混合得唔錯但又未感受到點一泡而紅佢整體黎講唔差既，韮菜餃米線應該係一個好選擇價格黎講唔係平，係葵廣好多其他選擇，不過想坐下Chill下再拼既都ok既#

今晚去食左個芝士漢堡扒飯加凍飲，＄66, 個芝士汁難食到同嘔吐物一樣，份量小，塊漢堡扒其實係惠康特惠牌，，，重要得3 塊，同佢menu 張相完全不符。。。呢間野完全唔掂，個厨師肯定係學神，一定沒下次，如果你唔信，可以去試下，試完再信都咪遲。。。。。。。。。呢個價錢完全唔值，超後悔。另外，我見到隔離抬碟乾炒牛河竟然有冬菇，個食客完全O 嘴，我都O 嘴，我同女朋友本身食過幾次小雨天，想試新野，點知今就出事，我本身好少寫食評，但，我今次為左佢，我寫了，，，完。

50蚊唔算多 不過我仔買番黎比我時我都呆左 4塊片皮肥豬肉 (1塊全肥 3塊半寸瘦肉)  3件斬半豆卜 有無搞x錯 ....老板比d良心好唔好咁嘅貨色居然可以開舖 仲要有人幫襯..............

十一月第一個星期日，我選擇了光顧在「葵涌廣場」裡面的食店，先在「葵涌廣場」二樓的港式泡飯食品專門店餐廳「一泡而紅泡飯專家」裡面，享用以大湯碗作為餐具的「柱侯牛腩泡飯」。我最初在「葵涌廣場」二樓樓層，一看見「一泡而紅泡飯專家」跟餐廳門口，二話不說就立刻進入食店，詢問食店侍應和等候座位，入座之後立刻按照平日慣例，立刻跟侍應點餐。不過之後「一泡而紅泡飯專家」侍應之後就對我做了一個，讓我始料不及的舉動，就是來到我面前，希望我率先付款結賬。我點了一客「柱侯牛腩泡飯」，加一杯「凍檸檬利賓納」飲品，總價錢需要港幣六十一元正。於是我繳付了港幣六十一元，給「一泡而紅泡飯專家」的侍應，順便要求侍應給我一張正式的收據。侍應收到我的晚餐所有款項之後，很快就已經拿着，由收銀機電腦打印出來的正式收據給我。我最初一直以為「一泡而紅泡飯專家」只是一般的港式茶餐廳，食客只需要像平日一樣，點餐後等候食店廚房製作食品，食客享用完所有餐飲之後，拿着單據和金錢到收銀櫃檯結賬就行。結果「一泡而紅泡飯專家」侍應忽然走到我面前，提早跟我收取晚餐所有款項的舉動，才讓當時的我真正發現，原來「一泡而紅泡飯專家」根本不是一般港式「茶餐廳」，